Rut 3:2 - Wuj Pa K'ubultzij

² ¿Xaq xatab'a qachalal ti ma Booz chi xatterej chutzukuxik pich'ol chkij i rajchak? Chata pe', che a'ab'i k-e chukeyik uwach cebada.

Rut 3:2 Iomraidhean Croise

GÉNESIS 50:10

Are xeupon chila ipa k-osix wi trigo chi Atad ub'i, chi o naqaj che i raqana Jordán, are uri konojel lik xe'o'ik xaq lik xesik'inik. I ma José wuqub' ij xb'ison che uqajaw chila.

Rut 2:1

I tit Noemí le o jun rachalal rumal i etz rachijil ma Elimelec, i rachalal le ma Booz ub'i, lik b'eyom laj achi xaq lik ko uwach chkixol i rachi'il.

Rut 2:8

Are uri ma Booz xub'ij che ati Rut: —Chata pe', wak'al, to' mat-e chutzukuxik pich'ol prulew jun chik, chat-ol chi ku' i wajchak, ike je awach ixoqib'.

Rut 3:1

I tit Noemí xub'ij che i ralib': —Wak'al, chinqul o wi utzukuxik jun awachijil ilol awe.

Rut 3:3

Rumali wo'or, chatatinoq, chakojo b'i kunb'al muy chawij, xaq chawiqa b'i awib', te'uri jat chila ipa kukey wi uwach cebada. Xwiri mak'ut tan awib' che, k'a krelej ni wa'im xaq kutu' ni uwa'al uva muqb'am.