Proverbios 9:3 - Wuj Pa K'ubultzij

³ Te'uri xeutaq b'i rajke'elab' re kesik'in chub'ixkil, puwi i jyub' chi lik naj uwi che i tinimit.

Proverbios 9:3 Iomraidhean Croise

Salmos 68:11

I Ajwal xuya jun tzijonik, lik je k'i ixoqib' xkitzijoj:

Proverbios 9:14

Kkub'i pa xila xol taq uchija re i rachoch, che i k'ijib'al chi lik naj uwi re i tinimit,

Proverbios 9:16

“¡Chixpet waral, alab'om chi nti inojb'al!” Xaq xub'ij chke ni'pa i kkich'ob' ti ub'e:

Mateo 22:9

Rumali, jix yix pa nimaq taq b'e, xaq cheisik'ij che i nima'ij ni'pa i ke'iriq chila”; xub'ij chke umokom.

Lucas 11:49

I Dios, ru' uno'oj; reta'am li ujer wach ki'an ni yix wo'or. Rumali xub'ij: “Keintaq b'i profeta ku', xaq i je apostolab'. Xwiri, o jujun chke kekamsax na; xaq je o jujun k-an ni k'ax chke.” Xcha.

Lucas 14:17

Are xuriq i or, xutaq umokom chub'ixkil chke chi is yij chik wach i kkitijo. “Chixpetoq, man ronojel is yij chik”; xub'ij chke.

Juan 18:20

I Jesús xub'ij che: —Yin xinlapan chkiwach konojel i winaq; arewi xin-an i k'utuniki chke pa taq ja re molb'al ib' ke aj judío xaq prachoch i Dios chila ipa kkimol wi kib' konojel aj Judío; lik nti jun k'utunik in-anom ani'al.

Juan 7:37

I k'isb'al ij re i nima'ij chi lik are mer o u'ij. Che i ij le i Jesús xtak'i anoq, ko xub'ij i tziji: —We o jun kk'atik, chpet wu' yin, i we kkojon chwe, chutu'u uri uya'. Man pacha tz'ib'tal kan chupam uwuj i Dios: Pachin kukub'a uk'ux chwe yin, ire le keje na pacha i ralaxb'al ya.

Romanos 10:15

¿Wach u'enam uri jun chub'ixkil utzij i Jesucristo, we i Ajwal keutaq tu b'ik? Xwiri, chupam uwuj i Dios keje iri kub'ij: “¡Lik chom ktzun kuponik i je k'amawnaq li utz laj tzij k'ak'!”