NÚMEROS 3:47 - Wuj Pa K'ubultzij

⁴⁷ Chatz'onoj jun qasan chke, chi are jo'ob' pwaq mer saq-o'oj chkijujunal, ronojel ni'pa i rajil chi ktojik, rajwaxik chrij pacha i pajb'al chi o pa lo'laj k'ijib'al re i Dios, chi are i saq-o'oj chi nik'aj onz o che ralil.

NÚMEROS 3:47 Iomraidhean Croise

ÉXODO 30:13

Chkijujunal ni'pa ke'ajlaxik, rajwaxik chi kkiya nik'aj ons saqpwaq chinwach Yin, chi in Ajwal, chrij pacha i pajb'al re i ja re molb'al ib'.

ÉXODO 38:24

I uk'iyal i an-o'oj chi xya'ik re i sipon chi xkikoj che i lo'laj k'ijib'al re i Dios, xmoltaj juwinaq (20) tintal. Chrij pacha i pajb'al re i lo'laj k'ijib'al re i Dios.

Ezequiel 45:12

Xaq keje ni'pa taq pajb'al re alil: Juwinaq jera, ke'eloq jun siclo chi o julajuj gramo che; oxwinaq (60) siclo ke'eloq jun mina.

LEVÍTICO 27:25

Ronojel ni'pa i rajil chi ktojik rajwaxik chrij pacha i pajb'al chi o pa lo'laj k'ijib'al re i Dios, chi julajuj gramo o che jun saqpwaq.

LEVÍTICO 27:3

keje u'anik iri k-an che: Jun achi we o juwinaq (20) junab' che kupon k'a che oxwinaq (60) junab' ktoj ni uri lajuj kawinaq (50) saqpwaq, chrij pacha i pajb'al chi o pa lo'laj k'ijib'al re i Dios.

LEVÍTICO 27:6

Jun ral ala we o chik jun ik' che kupon k'a che jo'ob' junab' ktoj ni uri jo'ob' saqpwaq, xwiri we ral ali xa oxib' saqpwaq uri ktojik.

NÚMEROS 18:16

I tojb'al re i elsab'al b'i ke le, jo'ob' saqpwaq kkitoj na are o chik jun ik' che kalaxik, i rajil chrij pacha i ralil i mer chi re i lo'laj k'ijib'al, chi nik'aj onz o che.

NÚMEROS 3:48

I mer le chajacha che ma Aarón xaq chke i rak'al, chi xkitoj aj Israel puk'exel i kak'al chi xekanajik nti kik'exel.”

NÚMEROS 3:50

Ronojel i mer chi xutz'onoj ma Moisés xmoltaj jo'ob' wajxaqwinaq oxmo' (1,365) saqpwaq, chrij pacha i pajb'al chi o pa lo'laj k'ijib'al re i Dios.

NÚMEROS 7:13

I usipon chi xuk'am b'ik are jun riprik laq saq-o'oj chi o oxib' pexu ru' nik'aj che i ralil xaq jun nim laj xar saq-o'oj chi o keb' pexu che i ralil, chrij pacha i pajb'al chi o chila pa lo'laj k'ijib'al re i Dios, lik chekeb' nojnaq che i rutzil jok'om trigo chi yot'om b'i aceite chupam, ile are sipon ch'irajil.