NÚMEROS 3:13 - Wuj Pa K'ubultzij

¹³ man konojel i nab'e taq ak'alab' lik je we yin. Are xeinkamsaj konojel i nab'e taq kak'al aj Egipto, xeink'am kan konojel i nab'e taq kak'al aj Israel xaq konojel i nab'e taq kak'al i jalajuj taq chikop, man lik je we yin. Yin in Ajwal xinb'ij ile.”

NÚMEROS 3:13 Iomraidhean Croise

NEHEMÍAS 10:36

xaq kqak'am b'i prachoch i Ajwal Dios, i nab'e taq qak'al xaq nab'e taq kak'al qachikop, qachij, chila chkiwach ajsujul sipon chi kki'an kipatan prachoch i Ajwal, chrij pacha tz'ib'tal chupam i wuj re i atb'al tzij.

ÉXODO 13:12

Iwonojel kijach ni i nab'e taq iwak'al alab'om pu'ab' i Ajwal, xaq konojel i nab'e taq mama'ib' chke ichikop man konojel ile lik je re i Ajwal.

ÉXODO 13:15

I ma faraón are xuya ti chqe xojpetik, i Ajwal xeukamsaj konojel i nab'e taq kak'al aj Egipto, winaq xaq i chikop; rumali wo'or i nab'e taq kak'al i qachikop chi je mama'ib' kealaxik, keqasujuj chwach i Ajwal xaq kqaya jun qasipon pkik'exel i nab'e taq qak'al chi je alab'om.

ÉXODO 13:2

“Konojel i nab'e taq ak'alab' chi kealax chkixol aj Israel, xaq keje i nab'e taq alaxel chke i chikop, cheijacha pin-ab' man lik je we yin.”

ÉXODO 22:29

Matb'aytaj chuk'amik li nab'e taq uwach atikon chwe, xaq ronojel uwa'al uva muqb'am chi o awu'. Xaq i nab'e taq iwak'al lik kiya ni chwe Yin.

ÉXODO 34:19

Konojel ni'pa i nab'e taq alab'om chi kealaxik, kejach ni pin-ab' xaq konojel i nab'e ral taq mama'ib' chke i chikop man lik je we yin.

Ezequiel 44:30

I ajsujul sipon kkik'am ni utz laj taq b'iroxik chke i nab'e taq molonik xaq che ronojel i sipon. Yix are kiyijb'a i or re i wa re trigo, lik are ni i utz kiya ni chke ike. Keje ile i utzil chomal we Yin arewi kk'iji ni puwi iwachoch yix.

LEVÍTICO 27:26

Konojel i nab'e taq kak'al i chikop, lik je re i Ajwal, rumali rajwaxik ti chik kejach pu'ab', tupu we chij xaq we chikop.

NÚMEROS 18:15

Konojel i nab'e taq kak'al aj Israel xaq i nab'e taq kak'al kichikop chi kkijach chwe awe yet na. Xwiri i nab'e taq kak'al aj Israel xaq i nab'e taq kak'al kichikop chi je ch'am taj, katz'onoj ni jun tojb'al re chke elsab'al b'i ke.

NÚMEROS 18:6

Yin xein-ul aj Leví chkixol aj Israel jachb'al ke chiwe yix man kki'an ni kipatan pa ja re riqb'al ib' ru' i Dios.

NÚMEROS 3:41

i nab'e taq kak'al aj Israel le keaya kan aj Leví pkik'exel, xaq keje i nab'e taq kak'al kichikop keaya kan kichikop aj Leví pkik'exel. Yin in Ajwal xinb'ij ile.

NÚMEROS 33:4

Tz'aqat aj Egipto le ketijin chumuqik konojel i nab'e taq kak'al chi xekamsax rumal i Ajwal, man ru' ile, i Ajwal xu'at tzij pkiwi kitiox ike.

Lucas 2:23

Keje xki'an ike ile man chupam i u'atb'al tzij i Ajwal Dios, keje iri tz'ib'talik: “Are kalax i nab'e ak'al, we ala, o uchak kjach ni pu'ab' i Dios.”

Hebreos 12:23

Ix tejeb'naq chik che i molb'al ib' ku' i nab'e taq rak'al i Dios, ni'pa i tz'ib'tal kib'i chwach i wuj chila chikaj. Ix tejeb'naq ru' i Dios chi ku'an ni atb'al tzij pkiwi konojel i winaq. Ix tejeb'naq ru' i kanima i je utz laj taq winaq chi suk'ul kik'aslemal chwach i Dios.