NÚMEROS 24:9 - Wuj Pa K'ubultzij

⁹ Are kkotz'i'ik keje pacha jun koj, are kpuyi che i waram, mijun kukowij rib' chuk'astaxik, kya' ni utzil chomal puwi i jun chi kuya utzil chomal pawi xaq kya' ni k'oqb'al puwi i jun chi kuya i k'oqb'al pawi.”

NÚMEROS 24:9 Iomraidhean Croise

GÉNESIS 12:3

Kinya ni utzil chomal pkiwi i winaq chi kkitz'onoj utzil chomal pawi, xaq keink'oqoj ni jub'an chi kkitz'onoj i k'oqb'al pawi; xaq awumal yet kinya ni utzil chomal pkiwi konojel i alk'uwal chwach i jyub' ta'aj.”

GÉNESIS 27:29

Chki'ana ni kipatan i winaq chawij, xaq chexuki ni chawach. Cha'ata ni tzij puwi atinimit, xaq i jub'an chik tinimit chki'aja ni kib' chawach. Ni'pa i katkik'oqoj kkeqaj ni k'oq, xaq ni'pa i kkitz'onoj utzil chomal pawi, kya' ni utzil chomal pkiwi.”

GÉNESIS 49:9

Ink'ojol ma Judá, yet at keje pacha jun ral k'ojol koj, are krelej utijawik uti', kpuy-ik k-on pacha taq jun nim laj koj xaq mijun kukowij rib' chuk'astaxik.

1 Reyes 10:20

Xwi ta la ile, xaq je o jub'an chik kab'lajuj koj, jujun je tak'al k'ulala che i waqib' cholchol. Lik antal ti iri che jub'an chik ajawinik.

SEGUNDO LIBRO DE CR%D3NICAS 9:18

I kub'ib'al le chi o u'ij o waqib' cholchol che, jun yab'al an-o'oj, jun yab'al ab'aj k'ulala xaq k'ulala che i yab'al ab'aj le, je tak'al jujun uk'exwach koj.

Ester 6:13

Xulap che i rixoqil chi ati Zeres xaq chke i ramiy ronojel ni'pa xuk'ulmaj, are uri ike xkib'ij che: —We xjeqan uqajsaxik a'ij chwach ma Mardoqueo, chi aj Israel, lik kattiki ti uri chuch'akik, lik arewi kattzaq ni pu'ab'.

Job 41:10

We o jun kuto'ta, ire lik kmi' uri roywal, lik mijun ktiki chutak'b'axik rib' chu'anik ch'oj ru'.

Salmos 122:6

Iwonojel yix chib'ij ru' ronojel ik'ux: “Lik ch-ol ni chomb'al ib' chawe yet tinimit Jerusalén, lik che'el ni chisaq konojel ni'pa i k'ax katkina'o.

ÉXODO 23:22

We qatzij katkojon che i ángel xaq ka'an ronojel ni'pa intaqom u'anik. Lik in ajch'oj uri chkij ajch'oj chawij xaq ni'pa i katki'atij che wach kawaj u'anik.

ISAÍAS 31:4

I Ajwal xub'ij chwe: “Keje pacha jun koj chi ukamsam jun chij, kuxij ti rib' chke ajyu'ul chij, tupu kkimol kib' konojel xaq kkitij taq uxib'ixik ru' sik', keje uk'unik i Ajwal ile chi ronojel ktiki che chuto'ik utinimit che i jyub' Sion.

Miqueas 5:8

Are uri, chkixol uk'iyal nimaq taq tinimit, i jub'an chi kekanaj kanoq re utinimit i ma Jacob je keje na pacha jun koj chkixol chikop aj pa taq es, pacha jun koj o pkik'ijib'al i chij, are ke'ik'aw i chij keuchapo xaq ku'an ch'aqa taq chke, lik mijun kuya che chi kk'asi kanoq.

NÚMEROS 22:12

Are uri i Dios xub'ij che ma Balaam: —Mat-e ku' ike le xaq mak'oqoj i tinimit, man i tinimit le inya'om utzil chomal Yin puwi.

NÚMEROS 22:6

Rumali chab'isoj petik man kak'oqoj i tinimiti chwe, man ike le lik je k'i chqawach yoj, moqxa keje ile kintiki b'i chkelsaxik pintinimit. Weta'am chi yet we kaya utzil chomal puwi i jun, lik keje ile k-antaj na, xaq we k'oqonik kaya puwi i jun xaq lik keje ile k-antaj na.”

NÚMEROS 23:24

I tinimit le kwalij na xaq lik kxib'in na pacha jun koj, k'a ktiki ni chuchapik uti' xaq k'a ktiki ni chutz'ub'ik kikik'el ni'pa ktiki chkikamsaxik.

NÚMEROS 24:10

I ma Balac are xuta ile, lik xpe roywal che ma Balaam, rumali xupok'ij pu'ab' chub'ixkil che: —Yin xintaq ak'amik man keak'oqoj ajch'oj chwij, xwiri yet are oxmul iri chi utzil chomal kaya pkiwi.

Mateo 25:40

Te'uri i Ajawinel kula' uwach chke: “Qatzij kinb'ij chiwe, ni'pa i utzil chomal i'anom che jun i wachalal chwach i Cristo, chi tupu nti qas u'ij, xe'el uri lik chwe yin xi'an wi.” Xcha.

Mateo 25:45

I Ajawinel kub'ij ni uri chke: “Qatzij i kinb'ij chiwe: Yix are xiwil jun chi o rajwaxik che, xaq xito taj, tupu nti qas u'ij, xe'el uri chi lik are yin xinito taj.” Kub'ij ni chke.

Hechos 9:5

I ma Saulo xutz'onoj che: ¿At pachin Yet, Nim laj Winaq? I ch'awb'al xub'ij che: Yin in Jesús, chwij yin kattijin wi chu'anik ch'oj.

Deuteronomio 30:7

Iwajwal Dios yix ku'an na chi ktzaq ronojel ni'pa i k'oqonik pkiwi ajch'oj chiwij, xaq pkiwi konojel ni'pa i tzel kixkilo.