NÚMEROS 22:11 - Wuj Pa K'ubultzij

¹¹ Chi o jun tinimit petnaq pa Egipto chi xaq kikichersam b'i kib' chwach ronojel rulew; rumali ma Balac kraj ire chi yin kin-e la chkik'oqoxik, man keje ile moqxa ktiki chkich'akik xaq chkelsaxik b'i putinimit.

NÚMEROS 22:11 Iomraidhean Croise

GÉNESIS 27:29

Chki'ana ni kipatan i winaq chawij, xaq chexuki ni chawach. Cha'ata ni tzij puwi atinimit, xaq i jub'an chik tinimit chki'aja ni kib' chawach. Ni'pa i katkik'oqoj kkeqaj ni k'oq, xaq ni'pa i kkitz'onoj utzil chomal pawi, kya' ni utzil chomal pkiwi.”

NÚMEROS 22:10

Are uri ma Balaam xub'ij che i Dios: —I achiyab' le are ma Balac, chi uk'ojol ma Zipor, chi ajawinel ke aj Moab, je utaqom loq, ike le kik'amom li tziji chwe:

NÚMEROS 22:12

Are uri i Dios xub'ij che ma Balaam: —Mat-e ku' ike le xaq mak'oqoj i tinimit, man i tinimit le inya'om utzil chomal Yin puwi.

NÚMEROS 23:11

Are uri ma Balac xuch'ojij che ma Balaam: —¿Wach kattijin chu'anik? Yin xintaq ak'amik man keak'oqoj i ajch'oj chwij, xwiri yet xa utzil chomal xatz'onoj pkiwi.

NÚMEROS 23:7

Are uri ma Balaam xutzijoj wach k-antaj na: K'a tzam taq jyub' prelb'al ij, xaq k'a pa Aram, xink'un rumal ma Balac chi ajawinel ke aj Moab: “Sa'aj wu' xub'ij, cheak'oqoj aj Israel chwe xaq chatz'onoj k'oqb'al puwi utinimit ma Jacob”; xub'ij chwe.

NÚMEROS 24:10

I ma Balac are xuta ile, lik xpe roywal che ma Balaam, rumali xupok'ij pu'ab' chub'ixkil che: —Yin xintaq ak'amik man keak'oqoj ajch'oj chwij, xwiri yet are oxmul iri chi utzil chomal kaya pkiwi.

JOSUÉ 24:10

Xwiri Yin xwaj ti utayik che chi kixuk'oqoj, rumali k'iyalmul xutz'onoj i utz piwi; lik keje iwelsaxik ile xin-an pu'ab'.

1 Samuel 17:43

Xaq xub'ij che: —¿Xatab'a in tz'i man ru' che' xatk'un chu'anik ch'oj wu'? Are uri xuk'oqoj a David, pub'i i jalajuj taq utiox.