NÚMEROS 22:1 - Wuj Pa K'ubultzij

¹ Aj Israel xkimaj chub'i kib'e, xe'uxlan chwa taq ta'aj re i Moab, chila prelb'al ij che i raqana Jordán xaq chwach i tinimit Jericó.

NÚMEROS 22:1 Iomraidhean Croise

JEREMÍAS 40:11

Konojel aj Israel chi je o chila Moab, Amón, Edom xaq jub'an chik nimaq taq tinimit xketamaj chi ajawinel re Babilonia xuya chke jujun aj Israel chi kekanaj kan prulew, xaq are ire xuya kan ma Gedalías pacha aj-ok'al utzam ke ike.

NÚMEROS 21:20

Kelik chila che ulew Bamot, xe'e chwa ta'aj Moab, te'uri xe'el b'i chwi jyub' Pisga, puwi jyub' le lik k-aljin ronojel i tz'inilik jyub' chaqij.

NÚMEROS 26:3

Are uri ma Moisés xaq ma Eleazar xekitaq konojel aj Israel chutz'ib'axik kib'i chila chwa ta'aj Moab, chuchi' i raqana Jordán, chwach i tinimit Jericó,

NÚMEROS 31:12

xkik'am b'i che ma Moisés, che ma Eleazar chi ajsujul sipon xaq chke konojel aj Israel. I aj Israel le je uxlannaq chila chwa ta'aj Moab, chutzal i raqana Jordán, chwach i tinimit Jericó.

NÚMEROS 32:19

Man i qulew yoj are o jewa, xkanaj prelb'al ij che i raqana Jordán, rumali kqakoj ti uch'ojil qulew jela ch'aqa ya Jordán.

NÚMEROS 35:1

I Ajwal xlapan ru' ma Moisés chila chwa taq ta'aj Moab chunaqaj i raqana Jordán, chwach i tinimit Jericó, xub'ij che:

NÚMEROS 36:13

Are i taqanik ile xaq i atb'al tzij chi xuya i Ajwal che ma Moisés, chi xaq ma Moisés le xuya chke aj Israel are je o chila chwa taq ta'aj Moab, chutzal i raqana Jordán, chi xaq o chwach i tinimit Jericó.

Deuteronomio 1:5

Are k'a je o aj Israel chila prelb'al ij che i raqana Jordán, pa tinimit Moab, i ma Moisés xub'ij usuk' i atb'al tziji chke:

Deuteronomio 3:8

Keje u'ankil uri ile chi che taq i ij le, xetzaq i jalajuj taq tinimit pqa'ab' chi kitinimit i keb' ajawinel aj Hamor, chi je jeqel chila prelb'al ij che i raqana Jordán xjeqan li chi raqana Arnón, xupon k'a chwi jyub' Hermón.

Deuteronomio 34:1

Ma Moisés xel chila chwa taq ta'aj Moab, xpaqi b'i chwi jyub' Nebo k'a xupon puwi i jyub' Pisga, chi o chwach i Jericó. Are o chila i Ajwal xuk'ut ronojel ulew che re i Galaad, k'a pa rulew ma Dan,

Deuteronomio 34:8

I aj Israel jun ik' xe'o' che ma Moisés chila pa tz'inilik jyub' chaqij Moab, man keje kki'an aj Israel ile are kkam jun chke.