NÚMEROS 13:2 - Wuj Pa K'ubultzij

² “Chataqa b'i jub'an achiyab' chrilik i ulew Canaán chi kinya chke aj Israel. Chataqa b'i jun chke i jutaq tzob'aj xwiri are o kipatan chkixol.”

NÚMEROS 13:2 Iomraidhean Croise

ÉXODO 18:25

Are uri ma Moisés xeu'ul achiyab' chi lik o kino'oj chkixol konojel aj Israel, xeuya pkiwi i winaq re ki'atol tzij; jun xuya pkiwi i lajujwinaq kamo' (1,000) jun chik xuya pkiwi i jo'winaq (100), jun chik xuya pkiwi i lajuj kawinaq (50) xaq i jun chik xuya pkiwi i lajuj.

NÚMEROS 1:4

Rajwaxik chi o ni jun aj-atzil chke i alk'uwalil, keje ile chke konojel i tzob'ajil aj Israel.

NÚMEROS 11:16

Xwiri i Ajwal xub'ij che ma Moisés: —Chamolo kichi' lajuj oxwinaq (70) nimaq taq winaq chkixol aj Israel, chi aweta'am yet ketiki chrok'axik utzam chke jutzob'aj winaq, cheak'ama li che i k'ijib'al ipa o wi i ja re riqb'al ib' ru' i Dios xaq chkoy-ej ni chila awu'.

NÚMEROS 13:16

Are kib'i konojel i winaq ile chi xeutaq b'i ma Moisés chrilik ulew Canaán. Ma Moisés xujalwachij ub'i ma Oseas, chi uk'ojol ma Nun, xuya pub'i ma Josué.

NÚMEROS 13:3

Keje pacha xub'ij i Ajwal che ma Moisés xeutaq b'i jub'an winaq chrilik ulew Parán, kelik chila pa tz'inilik jyub' chaqij chi Parán ub'i. Ike le konojel is o kipatan chkixol aj Israel.

NÚMEROS 32:8

Lik xaq keje xki'an iqajaw ichuch yix ile are xeintaq b'i pa Cades-barnea chrilik i ulew le.

NÚMEROS 34:18

Xwiri xaq chisik'ij jujun aj-atzil chke i jutaq tzob'aj man kixkito chujachik ulew.

Deuteronomio 1:15

Rumali yin xin-ul chkixol i jalajuj taq itzob'ajil yix, achiyab' chi lik o kinojb'al, xaq is ketiki chu'anik, xinya pki'ab' chi je aj-atzil piwi yix. O jujun xinya lajujwinaq kamo' (1,000) achiyab' chkiqul, xaq o xinya jo'winaq (100) achiyab' chkiqul, xaq o xinya lajuj kawinaq (50) achiyab' chkiqul, xaq o xinya lajuj achiyab' chkiqul, xaq o jujun chi xinya chkiqul chi kki'at tzij pkiwi i tzob'ajil.

Deuteronomio 9:23

I Ajwal are xixutaq che chi kixel b'i che i tinimit Cades-barnea, man kix-e chwach ulew chi Ire kuya chiwe yix, xiwaj taj, xaq xiqel utaqanik, xikub'a ti ik'ux che xaq xixkojon ti che.

JOSUÉ 3:12

Wo'or chich'ika kij uri kab'lajuj achiyab', jujun chke kak'al i je rak'al kan mam Israel.