NÚMEROS 13:16 - Wuj Pa K'ubultzij

¹⁶ Are kib'i konojel i winaq ile chi xeutaq b'i ma Moisés chrilik ulew Canaán. Ma Moisés xujalwachij ub'i ma Oseas, chi uk'ojol ma Nun, xuya pub'i ma Josué.

NÚMEROS 13:16 Iomraidhean Croise

ÉXODO 17:9

Are uri ma Moisés xub'ij che ma Josué: —Cha'ulu b'i jujun chke achiyab', cheak'ama b'i awu' chu'anik ch'oj chkij aj Amalec. Chweq, yin kink'iji ni puwi i jyub', kwok'aj uch'amiy i Dios pin-ab' —xcha.

Oseas 1:1

Iri are i tzijonik chi xub'ij i Ajwal che ma Oseas chi rak'al i ma Beeri che taq i ij re ajawinik re i ma Uzías, ma Jotam, ma Acaz xaq ma Ezequías, ajawinelab' re i tinimit Judá, xaq che taq i ij re ma Jeroboam, rak'al i ma Joás, ajawinel re i tinimit Israel.

NÚMEROS 13:15

Ma Geuel, chi rak'al ma Maqui, chi are jun chke utzob'ajil ma Gad.

NÚMEROS 13:2

“Chataqa b'i jub'an achiyab' chrilik i ulew Canaán chi kinya chke aj Israel. Chataqa b'i jun chke i jutaq tzob'aj xwiri are o kipatan chkixol.”

NÚMEROS 13:8

Ma Oseas, chi rak'al ma Nun, chi are jun chke utzob'ajil ma Efraín.

NÚMEROS 14:30

Rumali mijun chiwe kok chwach ulew chi insujum, xwi ma Josué chi uk'ojol ma Nun xaq i ma Caleb chi uk'ojol ma Jefone, ke'ok chwach ulew le.

NÚMEROS 14:6

Ma Josué chi uk'ojol ma Nun xaq ma Caleb chi uk'ojol ma Jefone, chi xeupon chrilik ulew, xkiraqch'ij ki'u' k'utb'al re kib'is,

NÚMEROS 27:18

I Ajwal xub'ij che ma Moisés: —I ma Josué chi uk'ojol ma Nun, ire le lik are jun achi chi o Utewal i Dios ru', rumali are ire le chaya a'ab' puwi,

Hechos 7:45

I ja wu'wik k'ul le, xya' chke i qatit qamam, lik pacha ub'itaq ke konojel ni'pa xepe ru' ma Josué, xkik'am li ku' are xe'ok li chwach ulew waral chi ke i jub'an chik winaq chi xeresaj b'i i Dios chkiwach i qatit qamam. K'a che taq i ij are x-ajawin mam David.

Romanos 9:25

Pacha xutz'ib'aj i mam Oseas ujer: Ike chi ne te inwinaq yin, kin-an ni chke je inwinaq yin; ike chi k'ax ti xe'inna'o, kink'ut ni i k'axnab'al ink'ux chke.

Deuteronomio 32:44

Ma Moisés xuk'ut rib' chwach ronojel i tinimit Israel, junam ru' i ma Josué chi uk'ojol ma Nun, xub'ixaj i b'ixi xujeqo xaq lik k'a xuk'iso.

Hebreos 4:8

Qatzij, i ajk'amol b'e i katit kimam ujer, chi mam Josué, xeuk'am b'i che jun uxlanb'al. Xwiri, are ti saqil laj uxlanem chi kub'ij i Dios warali. Wetene are ile, keje teneri xub'ij i Dios, chi o chik jun ij.