NÚMEROS 11:21 - Wuj Pa K'ubultzij

²¹ Are uri ma Moisés xub'ij che i Ajwal: —I winaq chi je petnaq wu' chaqan je jo'lajujchiy oxt'ub' (600,000) achiyab', ¿I yet kab'ij chi jun ik' kaya i ti'ij chqe re kqatijo?

NÚMEROS 11:21 Iomraidhean Croise

GÉNESIS 12:2

Kin-an ni jun nim laj tinimit chke amuq axikin, kinya ni utzil chomal pawi; i ab'i xaipa na kkuxtax wi, xaq at utzil chomal na chke jub'an chik winaq.

ÉXODO 12:37

I aj Israel xe'el chila che ulew Ramesés, xe'e pusuk' b'i ulew Sucot. Kolo jo'lajujchiy oxt'ub' (600,000) achiyab' xeb'in ku' chaqan chi lik je utz re i ch'oj, je ajlam ti uri ixoqib' xaq ak'alab'.

ÉXODO 38:26

Konojel ni'pa o chik juwinaq junab' (20) chke je lajuj wuqlajujwinaq wajxaqmo' jo'lajujchiy oxt'ub' (603,550) xaq konojel xkiya jo'ob' saq-o'oj chrij pacha i pajb'al re i lo'laj k'ijib'al re i Dios.

NÚMEROS 1:46

i kik'iyal i winaq xe'eloq konojel, je lajuj wuqlajujwinaq wajxaqmo' jo'lajujchiy oxt'ub' (603,550)

NÚMEROS 11:13

¿Ipa taq wa kink'ama wi yin k'iyal taq ti'ij re kinya chke konojel i winaq le? Man ike lik ke'o' chutz'onoxik chwe yin, kkib'ij: “Chaya qati' re kqatijo”; kecha.

NÚMEROS 11:20

Lik jun ik' na ti'ij kkitijo, k'a are to' kel chal pkitzam xaq are to' kmuluw chik kik'ux che, man xinkixutuj Yin chi in Kajwal chi in o chkixol, xaq xe'o' chub'ixkil chinwach: “¿Wach uchak xojel li pa Egipto?” Xecha. Xub'ij i Ajwal che ma Moisés.

NÚMEROS 11:22

¿Ipa taq wa je o wi k'iyal taq chij xaq k'iyal taq chikop re kekamsax chke man keje ile Ke'on konojel? Xaq tupu kya' konojel i kar chke chi je o pa mar, ¿Ke'on taj?

NÚMEROS 2:32

I ajlanik chi x-an chke konojel i alk'uwalil aj Israel, xe'eloq chi je o lajuj wuqlajujwinaq wajxaqmo' jo'lajujchiy oxt'ub' (603,550) achiyab' chi je yij che i ch'oj.

NÚMEROS 26:51

Chrij pacha i ajlanik ronojel chi x-anik, je lajuj waqwinaq kajmo' jo'lajujchiy oxt'ub' (601, 730) achiyab' aj Israel konojel chi xtz'ib'ax kib'i.