NÚMEROS 10:2 - Wuj Pa K'ubultzij

² Cha'ana keb' trompeta chi lik saq-o'oj, ru' ch'ayb'al kayijb'a wi, man kuriq uchak chawe re kaxut'ij molb'al ke i winaq, xaq kuriq uchak chawe are kimaj chub'i ib'e.

NÚMEROS 10:2 Iomraidhean Croise

2 Reyes 12:13

Xwiri i mer chi kkik'am b'i prachoch i Ajwal xkichapb'ej taj re u'anik i tu'b'al ya saq-o'oj, k'atzb'al utzam i chij re i kantil chi k'atnaq chik, nimaq taq laq, trompeta xaq i jub'an chik b'iroxik chi an-o'oj xaq i saq-o'oj;

SEGUNDO LIBRO DE CR%D3NICAS 5:12

Konojel aj Leví chi je ajb'ix: Ma Asaf, ma Hemán xaq ma Jedutún, junam ku' i rak'al xaq konojel i rachalal, je tak'al prelb'al li ij che i sujb'al sipon xaq kikojom ki'u' chi chom laj lino. Xaq o chilchil, salterio xaq i arpa. Ku' ike le je o waqwinaq (120) ajsujul sipon chi kkixut'ij i trompeta.

Salmos 81:3

Chixut'ij i trompeta are k'ak'al ik', xaq are ktik'i i ik', man are i ij re i nim laj qanima'ij.

Salmos 89:15

Ajwal Dios, utz ke i winaq chi keta'am ukojik a'ij ru' kikotemal, xaq keb'in rumal utzunb'al asaqil;

ÉXODO 25:18

Cha'ana keb' querubín chi lik an-o'oj, ru' ch'ayb'al kayijb'a wi, i kaya puwi i ch'uqb'al uwi i kaxa.

ÉXODO 25:31

Xwi ta la ile, xaq ka'an jun tzuk'b'al lik an-o'oj, ru' ch'ayb'al kayijb'a: Ukub'ib'al, raqan, pacha ral taq xar, ukotz'ijal xaq i wonwaq re i raqan is ru' ch'ayb'al kayijb'a wi.

ISAÍAS 1:13

Lik mik'am chali mas sipon chwe chi nti u'ij, man kwaj ti chik usiqik usib'el i sipon le. Yix keisik'ij i tinimit chu'anik i nima'ij re i muqulik ik' xaq i ij sábado, xwiri Yin kmuluw ink'ux che kinima'ij i winaq le chi kki'an i utz taj.

JEREMÍAS 4:5

Chitzijoj iri pa Jerusalén xaq pa Judá, chixsik'in chub'ixkil ru' usonil i trompeta chupam ronojel i nim laj tinimit, lik ko chixsik'inoq: ¡Jo', chqamolo qib' pa taq nimaq taq tinimit chi o tapial nim uwach chrij!

Oseas 8:1

Chach'awsaj i a-trompeta, pacha i ajchajinel chi kk'ak'alin puwi utinimit i Ajwal. Man je kojonnaq ti che intrat xaq kiqelom ink'utunik.

Joel 1:14

Chimolo kichi' i winaq re i tinimit xaq chi'ana itz'onb'enik chwach i Ajwal ru' ro'taxik iwa'im; chimolo kichi' chila prachoch i Ajwal chi i-Dios, konojel i rijab' xaq konojel i winaq chi je jeqel pa tinimit, k'iyal mul chitz'onoj utzil che i Ajwal.

Joel 2:1

Chixut'ij i trompeta tzam taq jyub' Sion; chixut'ij k'utb'al re pa ch'am laj jyub' re i Ajwal. Chixsiksat iwonojel yix chi ix jeqel pa tinimit Judá, man ya naqaj chik o wi u'ij i Ajwal:

NÚMEROS 10:1

I Ajwal xlapan ru' ma Moisés, xub'ij che:

NÚMEROS 10:7

Are xwi jun xut' k-ani che i trompeta are k'utb'al re uri chi konojel i winaq kkimol ni kib'.

Efesios 4:5

Xa jun i Ajwal o pqawi, xa jun i k'utunik qakojom, xa jun i Cristo xojterej chrij are xqajsax ya pqawi.