NÚMEROS 1:3 - Wuj Pa K'ubultzij

³ Chab'ij che ma Aarón chi katuto chkajlaxik xaq chutz'ib'axik kib'i konojel i achiyab', chi o chik juwinaq junab' chke chi je yij che i ch'oj.

NÚMEROS 1:3 Iomraidhean Croise

2 Samuel 24:9

Are uri ma Joab xujach jun wuj che i ajawinel ipa tz'ib'tal wi kik'iyal i winaq, are uri xe'eloq chi pa tinimit Israel je o jo't'ub' (800,000) achiyab' chi je utz re i ch'oj, xaq je o lajujmo' kachiy oxt'ub' (500,000) achiyab' chi je utz re i ch'oj aj Judá.

PRIMER LIBRO DE CR%D3NICAS 5:18

I je utzob'ajil ma Rubén, je utzob'ajil ma Gad xaq nik'aj chke utzob'ajil ma Manasés, je are achiyab' chi lik ko kiwach che i ch'oj, o kitob'al kib' re i ch'oj, o kich'ich' chi o uware k'ulala xaq o kich'ab', xaq lik je tijojtal chu'anik i ch'oj; je wajxaqlajujwinaq julajujmo' jo'chiy (44, 760) achiyab' konojel.

SEGUNDO LIBRO DE CR%D3NICAS 25:5

Ma Amasías xumol kichi' konojel i achiyab' re utzob'ajil ma Judá xaq utzob'ajil ma Benjamín; xu'an pa taq alk'uwalil chke, xeukoj i aj-atzil pkiwi chi je are aj-atzil ke achiyab' je yij che i ch'oj. Te'uri xerajlaj konojel achiyab' chi o chik juwinaq junab' chke, keje ile xaq xe'ul lajujmo' wuqlajujchiy jut'ub' (300,000) achiyab' chi je yij che i ch'oj chi ketiki chu'anik ch'oj ru' i che' ch'ich' utzam xaq ru' i tob'al ib' re i ch'oj.

ÉXODO 12:17

Chi'ana i nima'ij re i wa re trigo chi nti kunb'al ru', man che i ij le xixwesaj li iwonojel yix pa Egipto pa taq tzob'ajil, ile lik jun atb'al tzij chke imuq ixikin, chi lik junab', junab' kki'an i nima'ij le.

ÉXODO 30:14

Xwiri, xwi je nimaq chik chi je ik'awnaq chik che i juwinaq junab' rajwaxik chi kkiya kisipon chwe.

ÉXODO 38:26

Konojel ni'pa o chik juwinaq junab' (20) chke je lajuj wuqlajujwinaq wajxaqmo' jo'lajujchiy oxt'ub' (603,550) xaq konojel xkiya jo'ob' saq-o'oj chrij pacha i pajb'al re i lo'laj k'ijib'al re i Dios.

NÚMEROS 14:29

Konojel ni'pa o chik juwinaq junab' chke chi xtz'ib'ax kib'i are x-ani i ajlanik, chi k'ax xech'aw chwe saq laj tzij lik kekam na, i kich'akul kejab'krij ni kan waral pa taq tz'inilik jyub' chaqij.

NÚMEROS 26:2

“Cheiwajlaj konojel aj Israel pa taq alk'uwalil, chi o chik juwinaq junab' chke, chi je utz chik re i ch'oj.”

NÚMEROS 3:15

Cha'ana jun ajlanik chke konojel aj Leví pa taq alk'uwalil xaq pa taq tzob'ajil, man katz'ib'aj ni kib'i konojel ral taq alab'om chi o chik jun ik' chke.

NÚMEROS 32:11

i winaq chi o chik juwinaq (20) junab' chke are xe'el li pa Egipto kkil ti uwach ulew chi xusujuj Ire che ma Abraham, che ma Isaac xaq che ma Jacob man xekojon ti che.

NÚMEROS 33:1

I aj Israel are xe'el li pa Egipto, lik ketususik pacha i achiyab' chi je yij che i ch'oj, are ma Moisés xaq ma Aarón je nab'e chkiwach.

NÚMEROS 4:3

chakojo pajil ni'pa o chik lajuj juwinaq (30) junab' chke k'a che i lajuj kawinaq (50) junab' chi lik ketiki chu'anik i chak pa ja re riqb'al ib' ru' i Dios.

Deuteronomio 24:5

Jun achi we k'ate k'ulinaq, k-e ti uri pa ch'oj xaq nti taq jun chik upatan kya'ik, ile jun junab' uwach man keje ile kk'iji ni chi rachoch junam ru' rixoqil, xaq lik kukikotsaj ni i rixoqil le.

Deuteronomio 3:18

Che i ij le xinya i taqaniki chiwe: “Iwajwal Dios kujach ulewi chiwe, chi lik iwe yix na. Rumali, yix chi ix achiyab' chi lik ko iwach che i ch'oj, chixnab'ej b'i chkiwach iwach aj tinimit aj Israel.