Lucas 6:7 - Wuj Pa K'ubultzij

⁷ Xaq chila je o wi jujun tijonelab' re ujer atb'al tzij, xaq jujun aj fariseo winaq. Ike kkik'ak'alij i Jesús, we krutzirsaj i achi le che i ij sábado, man kkitzukuj umak.

I ʼUtz Laj Tzij Re I Dios

⁷ Xak chila je ʼo wi jujun tijonel re i ʼatbal tzij, xak jujun aj Fariséo winak. Ique que tijin chu takexic i Jesus, we crutzirsaj i achi-le pa uxlambal ʼij. Cacaj ique quiqui tzucuj u mac.

Ri Utzilaj Tzij re ri Kanimajawal Jesucristo

⁷ Yey raj c'utunel re ri tzijpixab y ri fariseos lic quic'ac'alem we ri Jesús cucunaj wa'chi chupa wa k'ij re uxlanibal, cha' jela' caquicoj umac.

Ri utzilaj tzij re ri kanimajawal Jesucristo

⁷ Yey raj k'utunel re ri tzijpixab' y ri fariseos lik kik'ak'alem we ri Jesús kukunaj wa'chi chupa wa q'ij re uxlanib'al, cha' jela' kakikoj umak.

Lucas 6:7 Iomraidhean Croise

Salmos 38:12

Ni'pa i kkaj inkamsaxik, kkikoj tzaqsab'al we; ni'pa i kkaj u'anik i utz taj chwe, kkilapo chi kki'an k'ax chwe, xaq ronojel ij kkich'ob' ink'ayixik chke i je ajch'oj chwij.

ISAÍAS 29:21

xaq ni'pa i kkinuk' tzij chkij i jub'an chik, ni'pa ike chi xaq kkikoj i tzaqsab'al re jun atol tzij, xaq ni'pa ike chi ru' t'oronik kkuwaj uwach u'anik i suk'ulik che i jun chi nti umak.

JEREMÍAS 20:10

Keinta i winaq chi kkib'ij: “¡Lik o xib'in ib' re i kamik xaipa!” Xaq kkib'ij: “¡Chixpetoq, jo chukojik umak!” Kecha. Xaq keje ne wamiy kkaj ike chi kintzaqik, kkib'ij: Moqxa kt'ortajik, are uri yoj kojtiki che, xaq kqa'an ni uk'exel che pacha u'anom ire chqe.

Mateo 5:39

Xwiri, Yin kinb'ij ni usuk' chiwe: Mitzalij uwach che, wach ku'an chiwe. Are i chi'ana, we o jun katuch'ay che juperaj apalaj, chaya i juperaj chik che.

Marcos 3:2

Xwiri chila pa ja le, je o jujun aj fariseo chi ketijin chuk'ak'alixik i Jesús we krutzirsaj i achi le che i ij sábado, man keje ile kkiriq uri wach umak kkikojo.

Lucas 13:14

Are uri i aj-atzil re i ja re molb'al ib' ke i judío xpe roywal che i Jesús man xrutzirsaj i ixoq che i ij sábado. Xub'ij chke i winaq: —O waqib' ij che i seman re i chak. Che i waqib' ij le, we kiwaj kixk'unik re kiwutzirsaj iwib'. Xwiri mi'an ile che i ij sábado —xub'ij chke.

Lucas 20:20

Te'uri xekitaq b'i jub'an achiyab' ru' i Jesús kkik'amb'ej upam. Xekitaq b'i ru' pacha je utz laj taq winaq kkitz'onb'ej jub'an tzij che, xa tzaqsab'al re kki'ano. Kkaj ike kchap ni kumal i raqan u'ab' i atb'al tzij, xaq kjach ni pu'ab' i Aj-ok'al utzam i jalajuj taq i tinimit.

Juan 9:16

O jujun chke aj fariseo xkib'ij: —I winaq chi xu'an ile re ti i Dios man kukoj ti u'ij i ij sábado —xecha. Xwiri o jub'an chik xkib'ij: —¿Wach taq u'anik uri i nimaq taq il, we ajmak? —Xecha. Rumali xkijach kiwach.