Lucas 21:1 - Wuj Pa K'ubultzij

¹ I Jesús are o prachoch i Dios xeril i b'eyomab' chi ketijin chuya'ik kipwaq pa taq kaxa re i sipon.

I ʼUtz Laj Tzij Re I Dios

¹ I Jesus, are ʼo pa rachoch i Dios xe ril i beyomab que tijin chu yaʼic qui mer pa caxa chila.

Ri Utzilaj Tzij re ri Kanimajawal Jesucristo

¹ Ri Jesús xebutzu' pan ri beyomab echiri' caquiya ri quikasa'n chupa ri caxa re kasa'n pa ri Rocho Dios.

Ri utzilaj tzij re ri kanimajawal Jesucristo

¹ Ri Jesús xeb'utzu' pan ri b'eyomab' echiri' kakiya ri kiqasa'n chupa ri kaxa re qasa'n pa ri Rocho Dios.

Lucas 21:1 Iomraidhean Croise

1 Reyes 14:26

Xuk'am ronojel ni'pa i jalajuj taq ub'itaq re i ajawinel chi o chupam i nim laj rachoch xaq ronojel ub'itaq re rachoch i Dios. Ronojel is xuk'am b'ik, xaq xuk'am b'i ronojel i tob'al ib' re i ch'oj chi lik an-o'oj chi u'anom ma Salomón.

2 Reyes 12:9

Are uri i ajsujul sipon chi ma Joiada xuk'ama jun kaxa, xu'an jun tel puwi, te'uri xuya puwiqab'im che i sujb'al sipon, pusuk' i okb'al b'ik prachoch i Ajwal, i je ajsujul sipon chi kechajiw i okb'al re i rachoch i Dios le, chila kkiya wi ronojel i mer chi kkiya i winaq prachoch i Ajwal.

2 Reyes 24:13

Chrijil chik ile, ma Nabucodonosor xresaj li ronojel ni'pa i b'eyomal chi o prachoch i Ajwal, xaq ni'pa o pa nim laj rachoch i ajawinel, lik x-antajik chrij pacha ub'im i Ajwal, man xupaxij ronojel ni'pa i b'iroxik an-o'oj chi xu'an ma Salomón, chi ajawinel aj Israel, re i rachoch i Ajwal.

SEGUNDO LIBRO DE CR%D3NICAS 36:18

Ronojel ni'pa i chapanb'al re i rachoch i Dios, nimaq chi ch'utiq, b'eyomal re i rachoch i Dios, re i ajawinel xaq ke i rajpatanib', is ronojel xuk'am b'i ajawinel aj Caldea chila pa Babilonia.

NEHEMÍAS 13:13

Te'uri xinkoj aj-ok'al utzam che i jalajuj taq k'olb'al, chi je are iri: Ma Selemías, chi ajsujul sipon; ma Sadoc, chi ajtz'ib' xaq ma Pedaías, chi aj Leví; xaq xinya jun tol ke chi are ma Hanán, chi uk'ojol ma Zacur, xaq ri umam ma Matanías, man ike le kul ink'ux chke. Chkiqul ike le o wi ujachik i jalajuj taq ti'b'alil chke i kachi'il.

Mateo 27:6

I kaj-atzil i rajpatan i Dios xkimol i pwaq xaq xkib'ij: —I pwaqi, utz taj kqaya ru' re i Dios; man i atb'al tzij re mam Moisés ujer kuya taj chi k-an ile, man i pwaqi are i rajil ukik'el jun winaq —xkib'ij.

Lucas 20:47

Ike kkimaj i kachoch ixoqib' malkanib'; te'uri kki'an nimaq taq tz'onb'al che i Dios. Ike ut lik kya' ni tojpen chke chi lik mas nim ni chkiwach i jub'an —xcha i Jesús chke.

Juan 8:20

I Jesús keje ile xub'ij are ktijin che i k'utunik chila prachoch i Dios, chila ipa o wi i kaxa re i molb'al pwaq. Xwiri mijun xukowij rib' chuchapik man k'amaja kuriq i ij chi ch'iktal chrij rumal i Dios.

JOSUÉ 6:19

Xwiri i an-o'oj, saq-o'oj xaq i jalajuj taq b'iroxik anch'ich', xaq i to' ch'ich' kajach ni pu'ab' i Ajwal, te'uri kya' ni ru' ub'itaq re Ire.

JOSUÉ 6:24

Te'uri i aj Israel xkinak' a' che i tinimit le, xaq xkinak' che ronojel ni'pa o chupam, xwi i an-o'oj, saq-o'oj, anch'ich', xaq i ch'ich' xkinak' ti a' che, ronojel ile xya' ru' ub'itaq re i Ajwal prachoch.