Jun winaq we xrel-aj jun b'oyex xaq we jun chij, we xukamsaj xaq we xuk'ayij, kuya ni jo'ob' b'oyex uri puk'exel i jun b'oyex xaq kuya ni kajib' chij puk'exel i jun chij chi xrel-aj.
Jun winaq we xroqxanij kan umer xaq ub'itaq re chi rachoch ulok'anij, we xel-ax b'i umer xaq i ub'itaq re le, we xriqtaj ili'om chi x-anawik, kukamulij uri utojik chrij ni'pa i rajil i xrel-aj.
I achi chi xumin rib' ru' ixoq chi o pa k'ax rumal i rajaw le, rajwaxik uri kusujuj jun chij ma chwach i Ajwal re riqb'al kuyb'al umak. I chij le rajwaxik chi kuk'am b'i pa okb'al che i ja re i riqb'al ib' ru' i Dios.
Jun winaq we kmaktajik xaq we k-on jun umak chwach i Ajwal man kut'or ulok'anij che jun b'iroxik chi koqxanix kan ru' xaq we krel-aj, man k-on re che ub'itaq re ulok'anij chi koqxanix kan ru',
Chila pa ja, i ma Zaqueo xtak'i anoq i xub'ij che i Ajwal: —Nim laj winaq, ni'pa o wu', kinya ni nik'aj chke i nib'a'ib'. We o taq inmajom che i jun, kintzalijsaj chik kajmul uri che —xcha.
