LEVÍTICO 4:5 - Wuj Pa K'ubultzij

⁵ I ajsujul sipon kuk'am jub'i' che ukik'el i me' le, re kuk'am b'i pa ja re riqb'al ib' ru' i Dios.

LEVÍTICO 4:5 Iomraidhean Croise

LEVÍTICO 16:14

Xaq kuk'am jub'i' ukik'el i me', kumu uwi u'ab' chupam te'uri kukitzka puwi i ch'uqb'al kaxa pusuk' i relb'al ij. Te'uri kukitzka wuqmul i kik' le ru' uwi u'ab' chwach i ch'uqb'al uwi i kaxa.

LEVÍTICO 16:15

Chrijil chik ile te'uri kukamsaj i chab'at re sipon chi riqb'al kuyb'al kimak aj Israel, xaq kuk'am b'i jub'i' ukik'el i chab'at le chrij i kortin. Chila pa ja le kukitzka ni kik' puwi xaq chwach i ch'uqb'al uwi i kaxa, pacha xu'an che ukik'el i me'.

LEVÍTICO 16:19

Xaq ru' uwi u'ab' kukitzka ni kik' wuqmul puwi i sujb'al sipon. Keje u'anik ch'am ile ku'an che i sujb'al sipon, rumal ronojel kimak aj Israel, xaq jachb'al re pin-ab' Yin.

LEVÍTICO 4:3

We are i ajsujul sipon kmakunik, konojel uri i winaq re i tinimit kkeqaj umak. Rajwaxik uri kuk'am li jun me' chi lik klis taj re usipon porom rumal umak chi xu'ano.

LEVÍTICO 6:23

Mijun che i sipon chi kkisujuj i ajsujul sipon ktijawik; ronojel lik kk'atsax na.

NÚMEROS 19:4

I ma Eleazar chi wajsujul sipon Yin, kumu ni uwi u'ab' chupam ukik'el i b'aka le, kukitzka ni wuqmul pusuk' b'i ja re riqb'al ib' ru' i Dios.

1 Juan 1:7

Xwiri, we kojb'in pa saq ru' i Dios. Man Ire lik o pa saq, ke'el uri junam qawach yoj ru'; xaq i ukik'el i Jesucristo chi Uk'ojol lik, kuch'aj ni ronojel i qamak.