LEVÍTICO 27:21 - Wuj Pa K'ubultzij

²¹ Are kuriqa tan chik i junab' re i o'tanik; i ulew le lik kjach uri pu'ab' i Ajwal xaq kkanaj uri pu'ab' i ajsujul sipon.

LEVÍTICO 27:21 Iomraidhean Croise

Ezequiel 44:29

Kkitij ni sipon ch'irajil chi aj Israel kkisujuj chwe, xaq i chikop chi ksujux puk'exel i mak atzalal xaq rumal i kimak. Xaq keje ronojel ni'pa taq kkisujuj aj Israel chwe lik ke ni ike.

NÚMEROS 18:14

Ronojel ni'pa i sipon chi kkijach aj Israel pin-ab', lik awe yet na.

LEVÍTICO 25:31

Xwiri i ja chi je o pa taq tinimit chi nti tapial chrij chi nim uwach, xaqjun ni uri k-ani che pacha k-ani che ulew pa taq komon; i ja le k'a k-an ni tikilem che xa pachike junab' ktiki i rajaw chulo'ik tupu we xtiki ti che, k'a kkanaj ni uri pu'ab' are kuriqa i junab' re i o'tanik.

LEVÍTICO 25:28

Xwiri we ktiki ti chumolik uchi' umer re kuk'am chi kan rulew chi uk'ayim, lik kkanaj ni uri pu'ab' i lo'ownaq k'a kuriqa ni junab' re i o'tanik, te'uri i lo'ownaq kro'taj ni ulew xaq i k'ayiwnaq kuk'am chik rulew.

LEVÍTICO 25:10

Che i junab' lajuj kawinaq (50) kisaqij ni yix chi i junab' le, lik elsam rumal i Ajwal, man are i junab' re i o'tanik. Che i junab' le kisaqij na chi konojel i winaq re i tinimit ke'o'tax na, konojel ketzalij ni ku' kalk'uwal xaq kkanaj chik kulew pki'ab'.

Esdras 10:8

Pachin jun chi kupon ti che i moloj ib' le are kk'is oxib' ij chi yatalik re kuponik, kmaj ni uri rulew che xaq kelsax b'i chkixol konojel chi xetzalij chaloq man je elsam te b'i pa cho'ab' chwach kulew; keje ile xkib'ij i aj-atzil xaq je ajpixb'anel.

JOSUÉ 6:17

I nim laj tinimit Jericó xaq ronojel ni'pa i o chupam ksach ni uwach rumal i k'oqb'al re i Dios, xwi ati Rahab chi kuch'ak umer chwach uch'akul kk'asi na xaq konojel ni'pa i je o chi rachoch, man ire xeruwaj i keb' achiyab' chi xeqataq li chrilik nim laj tinimiti.

Deuteronomio 13:17

Lik nti jun b'iroxik kik'am che i ronojel ni'pa chupik chik re uwach. Man keje ile i Ajwal lik kmi' ti uri i roywal chiwe. Xa ne kuya i utzil chomal piwi xaq ku'an ni chiwe chi kixk'iyarik lik pacha xub'ij chke iwatit imam ujer,

LEVÍTICO 27:20

Xwiri we xtiki ti chik chuk'amik xaq i ulew we xk'ayix che jun chik winaq, we k'a kraj tan chik ulo'ik, kya'ix ti chik uri che.

LEVÍTICO 27:22

We o jun kujach rulew pu'ab' i Ajwal chi ulo'om ru' umer, chi yatal ti che kumal uqajaw uchuch,