LEVÍTICO 26:7 - Wuj Pa K'ubultzij

⁷ Yix kiwoqtaj nu b'i i je ajch'oj chiwij xaq kixtiki ni chkikamsaxik ru' ch'ich'.

LEVÍTICO 26:7 Iomraidhean Croise

PRIMER LIBRO DE CR%D3NICAS 19:15

I aj Amón, are xkilo chi aj Siria xe'anmaj b'ik, xaq ike xe'anmaj chwach ma Abisai, chi ucha' ma Joab, xe'ok b'i pa tinimit. Rumali chi ma Joab xtzalij chub'i pa Jerusalén.

Ester 9:16

Xaq i jub'an chik aj Israel chi je jeqel chila pa tinimit ipa ku'at wi tzij i ajawinel, che i oxlajuj ij xkimol kib' chuto'ik kik'aslemal xaq chkikamsaxik i ajch'oj chkij; are uri xekikamsaj lajujwinaq wuqmo' b'elejchiy (75,000) winaq, xwiri xkik'am ti ub'itaq ke chke.

Salmos 81:15

Ni'pa i kkixutuj i Dios, ketzaq te'eqi pu'ab'; xaq i utojb'alil kimak lik ronojel ij saq uwach.

LEVÍTICO 26:36

I jub'an chi kek'asi kan chixol, lik nim ni xib'rikil kinpetsaj pkiwi chi je o pa jalajuj taq tinimit ke je ajch'oj chkij, lik ke'anmaj ne xa rumal jun uxaq che' chi ktzaq li rumal i tew. Lik ke'anmaj na pacha taq je oqtam ru' ch'ich' xaq kejab' laj ni pa taq ulew tupu nti ke'oqtawik,

LEVÍTICO 26:6

Kin-an ni chiwe chi utz kixk'iji pitinimit xaq lik utz waram ki'ano, man lik nti taq kixij iwib' che man Yin kewesaj nu b'i itzel taq chikop chwach ulew xaq kin-atij ni ch'oj.

LEVÍTICO 26:8

Jo'ob' chiwe yix kkoqtaj nu b'i je jo'winaq winaq xaq jo'winaq chiwe yix kkoqtaj nu b'i i je jo'mo' juchiy (10,000) winaq, keje ile kixtiki ni chkikamsaxik i je ajch'oj chiwij ru' ch'ich'.

Deuteronomio 28:7

I Ajwal keujach ni pa'ab' i ajch'oj chawij are kkaj u'anik k'ax chawe. Lik ketusus na are ke'e chawij, xwiri lik to' kichkich chik ki'anom are ke'anmaj ni pa'ab' yet.

Deuteronomio 32:30

¿Wach u'ankil ile chi xa jun chi winaq xe'anmaj b'i lajujwinaq kamo' (1,000) ajch'oj pu'ab'? ¿Wach u'ankil ile chi xa keb' chi winaq xe'anmaj b'i jo'mo' juchiy (10,000) ajch'oj pki'ab'? ¡Ile rumal i Ajwal, chi tol ke, xeujach ajch'oj le pki'ab', rumali chi xech'akanik!

JOSUÉ 23:10

Xa jun chiwe yix ktiki nu b'i chkoqtaxik lajujwinaq kamo' (1,000) winaq, man i Ajwal Dios are ire k-anaw ch'oj pik'exel yix, chrij pacha ub'im.

Jueces 15:15

Chrijil chik ile, i a Sansón xuk'am pan jun ukakate' axna chila chi k'amaja kchaqijik, ru' ile xeukamsaj lajujwinaq kamo' (1,000) aj Filistea.

Jueces 4:16

I ma Barac xterej b'i chkij uwinaq ma Sísara chi je o pa ch'ich' re b'inb'al xaq i je o chaqan, xetiki chke k'a pa Haroset-goim. Che i ij le mijun chke uwinaq ma Sísara chi je yij che i ch'oj xk'asi kanoq, konojel is xekamik.

Jueces 7:23

Are uri xkisik'ij aj Israel chi je utzob'ajil ma Neftalí, je utzob'ajil ma Aser xaq utzob'ajil ma Manasés, man keterej b'i chkij aj Madián.

1 Samuel 14:13

Are uri ma Jonatán kchakanik xel b'ik xaq teren b'i tol re chrij. Konojel i winaq chi keuqajsaj li ma Jonatán, i tol re le kuk'is kikamsaxik.