LEVÍTICO 26:36 - Wuj Pa K'ubultzij

³⁶ I jub'an chi kek'asi kan chixol, lik nim ni xib'rikil kinpetsaj pkiwi chi je o pa jalajuj taq tinimit ke je ajch'oj chkij, lik ke'anmaj ne xa rumal jun uxaq che' chi ktzaq li rumal i tew. Lik ke'anmaj na pacha taq je oqtam ru' ch'ich' xaq kejab' laj ni pa taq ulew tupu nti ke'oqtawik,

LEVÍTICO 26:36 Iomraidhean Croise

GÉNESIS 35:5

Are xe'el ike chila, mijun chke i winaq xterej b'i chu'anik ch'oj chkij i rak'al ma Jacob, man i Dios xu'an chke i winaq chi je o chwach i tinimit le lik xkixij kib'.

GÉNESIS 4:12

Are kattikan chwach i ulew, i atikon k-on ti chik utz xaq to' kat-e b'i chwach i jyub' ta'aj lik arewi katuxlan taj.

SEGUNDO LIBRO DE CR%D3NICAS 14:14

Chrijil chik ile xe'e chu'anik ch'oj chkij i jalajuj taq tinimit chi je o chrij chwach i Gerar, konojel i winaq chi je o pa tinimit le lik xkixij kib' che i Ajwal. I aj Judá xkik'am kan ronojel i jalajuj taq b'eyomal chi o pa taq tinimit le.

Job 13:25

Yin xa in keje pacha jun uxaq che' chi kuyak b'i i tew. ¿B'uchak uri kawaj usachik inwach? Yin xa in keje pacha jun k'im chaqij. ¿B'uchak uri kinaterb'ej?

Salmos 53:5

Tupu nti puwi kkixij kib', xwiri ike lik keb'arb'at ni rumal kixib'rikil, man i Dios kukichersaj b'i kib'aqil ni'pa i je ajch'oj chrij. Lik ketzaq ni pa k'ixb'alil man i Dios keuxutuj.

Salmos 53:6

¡Lik utz te'eq wetene kpe i tob'al ke aj Israel chwi jyub' Sion! Are keuk'am chub'i utinimit i Ajwal pkik'ijib'al, lik kekikot ni umuq uxikin ma Jacob xaq konojel i tinimit Israel.

Salmos 89:43

Xawesaj uware uch'ich' chi o uware k'ulala xaq xaya ti ucho'ab' chu'anik i ch'oj.

Proverbios 28:1

I utz ti laj winaq k-anmajik tupu mijun koqtawik; xwiri i utz laj taq winaq lik kul kik'ux pacha jun koj.

ISAÍAS 30:17

Lajujwinaq kamo' (1,000) ke'anmaj ni pu'ab' xa jun chi winaq rumal ub'im chi k-on k'ax chke, xaq iwonojel yix kix-anmaj ni pki'ab' je jo'ob' winaq, k'a kekanaj ni xa je keb' oxib' chik winaq, pacha ukanajik xa jun chik che' puwi jun nim laj jyub' xaq pacha uwalijik jun sib' re k'utb'al puwi jun jyub'.

ISAÍAS 7:2

Che taq i ij le xk'am b'i utzijol che i ajawinel ma Acaz xaq chke i ralk'uwal: “I je aj Siria xkijunamsaj kiwach ru' ma Efraín.” Are uri i ajawinel xaq i tinimit xkitikb'a siksatik pacha kisiksatik i che' rumal i tew tzam taq jyub' are kjuk'uk'ik.

ISAÍAS 7:4

Chab'ij che: “Chato awib' xwiri matxib'tajik, maxij awib' xaq mqaj a'ij rumal taq i keb' si' chi kb'uquq sib' che, chi are ma Rezín ku' aj Siria xaq i rak'al ma Remalías, chi lik kjuluw i koywal.

JEREMÍAS 37:10

Tupu yix lik keikamsaj i achiyab' aj Caldea chi je yij che i ch'oj, chi kki'an ch'oj chiwij yix, chi xa je keb' oxib' achiyab' je soktajnaq kekanaj kan chuxe' i wu'wik ja, i achiyab' le kewalij na xaq kkinak' ni a' che i tinimit.”

JEREMÍAS 46:16

I achiyab' chi je yij che i ch'oj chi je awe yet, kkitakij b'i kaqan xaq ketzaq b'ik, kkib'ij ni uri chkiwach: ¡Jo', chojel chi, jo' pa qulew che i tinimit ipa xojalax wi! ¡Choj-anmaj chwach i ch'oj xaq i kamik!

Lamentaciones 1:3

Lik mas uyej xaq lik mas k'ax laj taq chak, kutij i tinimit Judá wo'or man chaptalik. Ujer lik xrajawin te'eq chkixol i jalajuj taq tinimit, xwiri wo'or lik kuriq ti uxlanem. Konojel i kiterb'em te'eq, xekimaja i wo'or lik kiya'om pa k'ax.

Lamentaciones 1:6

Lik xsach uwach uchomal i tinimit Sion, lik qatzij xsach ronojel uchomal; i kaj-atzil, pacha taq je kej, kkitzukuj kik'im; lik kicharerem kaqan, je nab'e chkiwach i ke'oqtawik.

Lamentaciones 4:19

Lik mas kkich'ij b'e chkiwach i kotxik chi kerupup chikaj are i jub'an chi oj kiterb'em; kojkiterb'ej pa taq es, ¡kkikoj tzaqsab'al qe pa tz'inilik jyub' chaqij!

Ezequiel 21:12

Yet winaq, ¡chatsik'inoq, chato'oq, man lik ch'ob'tal chik ukamsaxik intinimit, xaq konojel aj-ok'al utzam i jalajuj taq tinimit re Israel! Lik yatal utojb'alil chke chi kekam ni junam ru' intinimit, rumali lik chach'aya uwach ak'ux rumal i k'ax.

Ezequiel 21:15

Ire lik keuxib'ij na, ku'an k'iyal taq kamik. Che konojel i kachoch inkojom i ch'ich' chi k'ulala o uware re kamsanik. Are i ch'ich' chi k'ulala o uware chi uyum rij re ktzijlajik, antal uware re kamsanik.

Ezequiel 21:7

Moqxa kkitz'onoj chawe b'uchak kato'ik, chab'ij chke chi rumal jun tzij xata chi lik ya k-antaj na, chi konojel i winaq re uwach i jyub' ta'aj kekanaj na chi nti chik ukowil kik'ux; xaq lik kqaj ni ucho'ab' i kiteleb', mijun kkanaj na we o taq ukowil, konojel kb'arb'at ni pkich'ek rumal kixib'rikil. Ya kuriq i ij xaq ya k-antajik. Yin in Ajwal, kinb'ij.

Oseas 8:3

Xwiri i tinimit Israel uxutum i utz, rumali keterej ni rajch'oj chrij.

LEVÍTICO 26:17

Yin kin-an ni che wib' in ajch'oj chiwij xaq k-an ni tikilem chiwe kumal i je ajch'oj chiwij, lik kqajsax ni i'ij kumal ike chi ktitat kipam chiwe, xaq lik kix-anmaj na tupu nti jun kix-oqtawik.

LEVÍTICO 26:35

Ronojel i junab' are lik tz'inil i ulew le lik kuxlan na. Man yix are ix o te'eq chwach, lik uxlannaq taj.

Deuteronomio 1:44

Are uri aj Hamor, chi je jeqel chila chwi jyub' le, xkitak'b'a kib' chu'anik ch'oj iwu' are uri chi xixkoqtaj pacha taq jub'an kab' chi kkoqtaj i pachin keto'tawik, xkijeq u'anik k'ax chiwe chila Seir xkimayij, k'a chila Horma.

JOSUÉ 5:1

Konojel i ajawinelab' chi je aj Hamor chi je o puqajb'al ij che i raqana Jordán, xaq konojel i ajawinelab' aj Canaán chi je o naqaj che i mar Mediterráneo, are xketamaj chi Ajwal xuchaqijsaj i raqana Jordán re ki'axb'al i aj Israel, lik laj xel kik'ux, xaq laj x-e kuxlab' xaq xkitak'b'a ti chik kib' chwach i ch'oj.

JOSUÉ 7:5

Xeterb'ex li xol uchija re i okb'al che i tinimit, xemajtaj k'a che jun xulanik, are uri xekamsax waqlajuj juwinaq (36) chke i aj Israel; rumali konojel i aj Israel laj xel kik'ux xaq laj x-e kuxlab'.

1 Samuel 17:24

I aj Israel are xkil chik i achi le, lik xkixij kib', rumali xe'anmaj chwach,