LEVÍTICO 26:17 - Wuj Pa K'ubultzij

¹⁷ Yin kin-an ni che wib' in ajch'oj chiwij xaq k-an ni tikilem chiwe kumal i je ajch'oj chiwij, lik kqajsax ni i'ij kumal ike chi ktitat kipam chiwe, xaq lik kix-anmaj na tupu nti jun kix-oqtawik.

LEVÍTICO 26:17 Iomraidhean Croise

GÉNESIS 4:12

Are kattikan chwach i ulew, i atikon k-on ti chik utz xaq to' kat-e b'i chwach i jyub' ta'aj lik arewi katuxlan taj.

1 Reyes 8:33

I je ajch'oj are kkich'ak atinimit Israel man rumal xemakun chawach, xwiri we chrijil chik ile ketzalij chali awu' xaq kkib'ixaj a'ij xaq we lik kelapan awu' chupam awachochi,

2 Reyes 13:3

Rumali xpe roywal i Ajwal che i tinimit Israel, xeujach k'iyal junab' pu'ab' ma Hazael chi ajawinel re i tinimit Siria, xaq pu'ab' ma Ben-adad chi uk'ojol.

2 Reyes 13:7

Ma Joacaz xa lajuj kawinaq (50) achiyab' je ajrij taq kaway xekanaj ru', lajuj ch'ich' re anb'al ch'oj, xaq jo'mo' juchiy (10,000) achiyab' chi je yij che i ch'oj je ajchaqan, man i ajawinel re i tinimit Siria xuchup kiwach konojel, lik xu'an chke pacha uk'aj ulew.

Salmos 44:10

A'anom chqe chi qaya'om i chel qij chke i je ajch'oj chqij; ni'pa i ktitat kipam chqe, lik kki'an ela' chqe.

Salmos 53:5

Tupu nti puwi kkixij kib', xwiri ike lik keb'arb'at ni rumal kixib'rikil, man i Dios kukichersaj b'i kib'aqil ni'pa i je ajch'oj chrij. Lik ketzaq ni pa k'ixb'alil man i Dios keuxutuj.

Salmos 53:6

¡Lik utz te'eq wetene kpe i tob'al ke aj Israel chwi jyub' Sion! Are keuk'am chub'i utinimit i Ajwal pkik'ijib'al, lik kekikot ni umuq uxikin ma Jacob xaq konojel i tinimit Israel.

Proverbios 28:1

I utz ti laj winaq k-anmajik tupu mijun koqtawik; xwiri i utz laj taq winaq lik kul kik'ux pacha jun koj.

ISAÍAS 30:17

Lajujwinaq kamo' (1,000) ke'anmaj ni pu'ab' xa jun chi winaq rumal ub'im chi k-on k'ax chke, xaq iwonojel yix kix-anmaj ni pki'ab' je jo'ob' winaq, k'a kekanaj ni xa je keb' oxib' chik winaq, pacha ukanajik xa jun chik che' puwi jun nim laj jyub' xaq pacha uwalijik jun sib' re k'utb'al puwi jun jyub'.

ISAÍAS 63:10

Xwiri ike xkiyak kib' chu'anik ch'oj chrij i Ajwal xaq xki'an k'ax che uch'amil i Dios ru' tzij, rumali xu'an che rib' chi ajch'oj chkij xaq xu'an jun nim laj ch'oj ku'.

JEREMÍAS 19:7

Che i k'ijib'ali kin-an ch'aqa taq che i kich'ob'om aj Judá xaq aj Jerusalén. Kin-an na chi lik k-ani tikilem chke xaq kekamsax kumal i je ajch'oj chkij, xaq i kich'akul kajwax ni chke i tz'ikin chi je ajtijol taq ti'ij xaq chke itzel taq chikop.

JEREMÍAS 44:11

Rumali Yin, chi in Ajwal, chi ronojel kintiki che, chi ki-Dios aj Israel, kinb'ij chiwe: Lik inch'ob'om uk'amik li i utz taj piwi yix xaq kinsach uwach ronojel i tinimit Judá.

Lamentaciones 1:5

I ajch'oj chrij lik kkiqajsaj u'ij, i tzel keilawik lik ke'el chisaq. Man i Ajwal u'anom che chi kb'isonik rumal uk'iyal umak chi u'anom. I je rak'al xe'elsax b'i pa cho'ab' chwach kulew man xek'am b'i rumal i ajch'oj chkij.

Lamentaciones 2:4

I Ajwal, pacha jun ajch'oj, xuyijb'a i k'aqb'al ch'ab', xusuk'b'a uteleb'; keje pacha jun ajch'oj, xusach uwach ile chi chom ktzun te'eq; pacha taq jun a', xuk'aq b'i roywal puwi i chomiq taq ja wu'waq re i tinimit Sion.

Ezequiel 15:7

Yin kinsaqij na chi lik in-ajch'oj chkij ike. Chupam jun a' kix-anmaj na; xwiri kixtzaq chik chupam jun a' chi lik kixujarsaj na. Yin are kinsaqij chiwe chi in-ajch'oj chiwij; are uri kiwetamaj ni yix, chi Yin in Ajwal.

LEVÍTICO 17:10

Yin kpe woywal chke konojel i aj Israel xaq chke aj naj chi je o chixol yix, chi kkitij i kik' chi o che i ti'ij. I winaq le lik kewesaj nu b'i chkixol kitinimit.

Deuteronomio 28:25

xaq kqajsax ni a'ij kumal i ajch'oj chawij. Lik kab'isoj enam chu'anik ch'oj chkij ike lik kixtususik xwiri i anmajik loq to' kichkich chik, lik kkib'isoj ni konojel i winaq chwach i jyub' ta'aj wach taq kak'ulmaj.

JOSUÉ 7:4

Rumali kolo xa lajujwinaq wuqmo' (3,000) achiyab' je yij che i ch'oj xkiyak b'i kib', xwiri are xeuponik xe'anmaj chkiwach je aj Hai.

Jueces 2:14

Rumali i Ajwal lik xpe roywal chke aj Israel xaq xeujach pki'ab' ili'omab', xkimaj b'i konojel ub'itaq ke chke, xaq xeuya kan pki'ab' i ajch'oj chkij, chi je o chkij chkiwach. Xech'ak kumal ajch'oj chkij chi je o chkij chkiwach, man i je aj Israel xetiki ti chu'anik ch'oj chkij ike.

Jueces 3:14

Are u'ankil uri chi aj Israel wajxaqlajuj junab' xki'an kichak chrij ma Eglón.

Jueces 3:8

Rumali i Ajwal xpe roywal chke aj Israel xaq xeujach pu'ab' ma Cusan-risataim, chi ajawinel re i tinimit Mesopotamia. Wajxaqib' junab' xechakun aj Israel chrij i ajawinel le.

Jueces 6:2

I aj Madián lik arewi kki'an k'ax chke aj Israel, i aj Israel le rumal kixib'rikil chke aj Madián xki'an uwajb'al kib' tzam taq jyub', pa taq pek xaq pa taq k'ijib'al chi lik k'ax okik che.

1 Samuel 12:15

Man we kixkojon ti che xaq kiqel utzij upixab', Ire kuya ni utojb'alil piwi yix xaq puwi iwajawinel.

1 Samuel 31:1

I aj Filistea xki'an ch'oj ku' aj Israel, xwiri i aj Israel xe'anmajik xaq lik k'i xekam chke, chila puwi i jyub' Gilboa.

1 Samuel 4:10

Are uri aj Filistea xki'an ch'oj ku' aj Israel xaq xekich'ako, xe'anmaj aj Israel le, xe'e k'a pkik'ijib'al. Lik je k'i xekamik man je jo'lajujmo' oxchiy (30,000) achiyab' xekam chke aj Israel chi je yij che i ch'oj.