LEVÍTICO 26:13 - Wuj Pa K'ubultzij

¹³ Yin in Iwajwal Dios chi xixwesaj li pki'ab' aj Egipto chi ix o te'eq pa k'ax kumal xaq xwesaj i yuku rij iqul chi lik al te'eq kina'o xaq xin-an chiwe chi to' ti kilukukej ipalaj kixb'inik.

LEVÍTICO 26:13 Iomraidhean Croise

Salmos 116:16

Ajwal, lik saq laj tzij yin in awajchak; ¡Lik in awajchak! ¡Xaq in ralab' ixoq chi awajchak! Yet xaraqij i laso chi in yut'tal te'eq ru'.

ÉXODO 14:8

I Ajwal xu'an ko che uk'ux ma faraón chi ajawinel re Egipto, man keterej b'i chkij aj Israel: Lik keje ile xu'ano tupu ike ya xe'el b'i ru' i nim laj ucho'ab' i Dios.

ÉXODO 20:2

Yin in Awajwal Dios, chi xatwesaj li pa Egipto, chila ipa at o wi te'eq pa k'ax pu'ab' i rajaw achak.

ÉXODO 6:7

Lik kin-an ni intinimit chiwe yix xaq Yin na in i-Dios; keje ile kiwetamaj na chi Yin in Iwajwal Dios chi xixwesaj li pki'ab' aj Egipto.

ISAÍAS 51:23

Man yin kinya ni chke i xatkik'achirsaj, xaq chke i xkib'ij chawe: Chak'aqa awib' pulew, man kojik'aw pawi yet, are uri yet xak'aq awib' pulew re xatkiya'ya che aqan pacha taq uk'aj ulew.

ISAÍAS 9:3

Ajwal, lik xak'am li jun nim laj kikotemal, lik nim i kikotemal le. Konojel kekikot chawach Yet pacha taq u'ijlal i molonik, pacha kkikotemal i winaq chi kkijach i nimaq taq b'eyomal chkiwach.

JEREMÍAS 2:20

Lik ujer tan xayak awib' chu'anik ch'oj chwij, xawaj ti xatkojon chwe. Xab'ij: “Kwaj ti u'anik inpatan.” Puwi ronojel taq jyub' naj uwi xaq chuxe' ronojel taq che' chi yelyik uxaq xaq xaya awib' chuch'akik amer chwach ach'akul.

JEREMÍAS 28:2

—I Ajwal chi ronojel ktiki che, chi ki-Dios aj Israel, keje iri kub'ij: Kinpatz' ni yuku re ajawinel aj pa Babilonia,

JEREMÍAS 28:4

Xaq kin-an na chi ketzalij chali ma Jeconías che i k'ijib'ali, chi uk'ojol ma Joacim, ajawinel re i tinimit Judá xaq konojel i winaq chi xe'elsax b'i pa tinimit Judá xe'e pa Babilonia. Qatzij, kinpatz' ni i yuku re i ajawinel pa Babilonia. Yin in Ajwal, xinb'iw ile.

Ezequiel 30:18

Yin are kinsach uwach ucho'ab' i tinimit Egipto xaq kinsach ni uwach ucho'ab' chi lik kukoj u'ij ru', i ij ku'an ni equm chila pa Tafnes, jutzob'aj sutz' kuch'uq ni uwi Egipto, xaq i winaq chi je o pkitinimit kek'am nu b'i prexil.

Ezequiel 34:27

I che' chi je o pa taq es kewachin na, i ulew kuya ni uwach, ike utz ni jeqelem kki'an pkulew. Are Yin kewesaj intinimit pki'ab' ike chi je kiya'om pa k'ax kumal ike, are uri kketamaj na chi Yin in Ajwal.

Oseas 11:4

Ru' laso re ch'uch'anik, ru' k'am re k'axnab'al k'uxij, xeink'am li wu' Yin; xeintejeb'saj che k'ulala che inchi' chi pacha taq je noch' chi ketz'umanik; xinchaki chuya'ik kiwa,

LEVÍTICO 25:38

Yin in Iwajwal Dios chi xixwesaj li pa Egipto yab'al re ulew Canaán chiwe, man ki'an ni i-Dios chwe.

LEVÍTICO 25:42

Man ike je wajpatan Yin, xaq Yin xewesaj li pa Egipto, rumali kek'ayix taj pacha winaq chi je o pa k'ax rumal i kajaw.

LEVÍTICO 25:55

Man yix chi ix aj Israel lik ix wajpatan, lik ix we Yin na, man Yin xixwesaj li pa Egipto. Yin in Ajwal i we yix.

NAHUM 1:13

Kin-an ni ch'aqa taq che i yuku chi o rij aqul xaq keinraqij ni akarena.”