LEVÍTICO 26:10 - Wuj Pa K'ubultzij

¹⁰ Lik are ni trigo kitijo chi ax ik'olom wi, xaq kiwesaj ne b'i puk'ijib'al rumal i k'ak' chi kik'ol tan chik.

LEVÍTICO 26:10 Iomraidhean Croise

2 Reyes 19:29

Are uri ma Isaías xub'ij che ma Ezequías: Are jun k'utb'al re iri che ronojel ni'pa kuk'ulmaj: Che i junab'i xaq i junab' chi kk'unik, kitij ni trigo chi kalax li utukel, xwiri che urox junab' yix kitik na xaq kimol na, xaq kitik ni i uva xaq kitij ni uwach.

Joel 2:24

Lik o ni jun utz laj molonik re trigo xaq uk'iyal uwa'al uva muqb'am i aceite.

LEVÍTICO 25:22

Keje ile kitij ni trigo chi ik'olom tz'aqat kitik chik uwach iwulew che uwajxaq junab', xaq i trigo chi ik'olom k'a xqare kix-ono re kitij che ub'elej junab' tz'aqat kuriq ni ij re molonik re i k'ak' tikanik.

Lucas 12:17

Ire xujeq uch'ob'ik uri: “¿Wach i kin-ano? Nti pa kink'ol wi inmolonik.” —Xcha.

JOSUÉ 5:11

Chukab' ij are xik'aw i nima'ij Pascua, i winaq xkijeq utzuqik kib' che uwach i tikon aj chila Canaán, xkitij i wa chi nti kunb'al ru' chi re paxb'al uwach i wa, xaq xkitij i k'ilim trigo.