LEVÍTICO 19:9 - Wuj Pa K'ubultzij

⁹ Are kuriq u'ijlal i molonik rajwaxik chi na'al taj katmolonik, xaq mamol chik i pich'ol.

LEVÍTICO 19:9 Iomraidhean Croise

LEVÍTICO 19:10

Mamol i pich'ol re a-uva pa tikonb'al xaq mamol i uva chi je tzaqnaq xe taq raqan. Chaya kan chila re i nib'a' xaq re i winaq aj naj. Yin in Iwajwal Dios xinb'ij iri chiwe.

LEVÍTICO 19:8

Jun we kutijo lik kreqaj uri umak xaq kelsax b'i uri putinimit, man xuqajsaj u'ij ni'pa i jachtal pu'ab' i Ajwal.

LEVÍTICO 23:10

Chab'ij i tziji chke aj Israel: Are ix o chik chila chwach ulew chi kinya Yin chiwe; are ki'an i molonik re i trigo, i nab'e yotaj chi kik'atzij rajwaxik kiya che i ajsujul sipon

LEVÍTICO 23:22

Are kuriq u'ijlal i molonik rajwaxik chi na'al taj kimolo xaq mimol chik i pich'ol; chiya kan chila ke i nib'a'ib' xaq ke i je aj naj chi je o chixol. Yin in Iwajwal Dios, Yin xinb'ij iri.

LEVÍTICO 23:29

Pachin jun kumayij ti uwa'im chutz'onoxik che i Dios che i ij le, nti k-ono xapachinoq lik kelsax b'i uri putinimit.

Rut 2:15

Are x-e tan chik ati Rut chutzukuxik pich'ol, are uri ma Booz xub'ij chke i rajchak: —Chib'ij che ati Rut chi utz kmolon chila ipa t'ub'ul wi cebada, lik mi'atij che.

Rut 2:2

Are uri ati Rut chi aj Moab xub'ij che tit Noemí: —Chaya chwe chi kin-e chutzukuxik pich'ol pa taq es, moqxa o jun ajmolonel cebada kuya chwe kinterej b'i chutzukuxik pich'ol chrij —xcha. —Utzi wak'al, jat —xub'ij uchuch ralib' che.

Rut 2:8

Are uri ma Booz xub'ij che ati Rut: —Chata pe', wak'al, to' mat-e chutzukuxik pich'ol prulew jun chik, chat-ol chi ku' i wajchak, ike je awach ixoqib'.