LEVÍTICO 18:16 - Wuj Pa K'ubultzij

¹⁶ Maqajsaj u'ij i awatz rumal kamin awib' ru' awixnam.

LEVÍTICO 18:16 Iomraidhean Croise

LEVÍTICO 20:21

We o jun kumaj rixoqil i ratz che, lik kuqajsaj uri u'ij i ratz, man i xu'ano le lik ch'am taj, rumali i achi le xaq ixoq chi xumin rib' ru', chekeb' kkitij ni uk'axk'olil kimak, lik kkil ti uwach jun kak'al ronojel ij saq re kik'aslemal.

Mateo 22:24

—Tijonel, i mam Moisés ub'im kanoq chi jun achi, we xkamik, we nti rak'al ru' kan i rixoqil, o uchak uri kk'uli i ucha' i achi ru' ixoq malkan, puk'exel i kamnaq. Keje ile o ni uri rak'al i achi chi kamnaq chwach ixoq le. Keje ile ub'im kanoq.

Marcos 12:19

—Tijonel, i mam Moisés utz'ib'am kanoq, we xkam jun achi k'ulanik, xwiri we nti kan rak'al ru' rixoqil, rajwaxik uri chi jun ucha' i kamnaq le kk'uli ru' ixoq malkan, man keje ile kealax ni rak'al ru' puk'exel achi chi xkamik.

Marcos 6:17

Xa rumal ati Herodías, chi ma Herodes xutaq uminik ma Wan le prexil xaq xutaq uyut'ik ru' karena; i ati Herodías le rixoqil ma Felipe chi ucha' ma Herodes. Xwiri i ma Herodes le uminom rib' ru' i rixnam.

Lucas 3:19

Xwi ta la ile xaq xuyaj i ma Herodes chi kaj-atzil i aj Galilea, rumal i utz ti ktijin chu'anik, man ire umajom i ati Herodías, chi rixoqil ucha' chi are i ma Felipe, xaq o jub'an chik umak u'anom.

Deuteronomio 25:5

We keb' achiyab' katz kicha' kib' chi xa jun chi ja je o wi, we xkam jun chke ike le, we nti jun rak'al xalax kan ru' rixoqil, i ixoq malkan le kk'uli ti uri ru' jun chik achi chi rachalal ti rachijil, lik ru' i recham le kk'uli wi, i achi le rajwaxik chi kealax ni rak'al ru' i rixnam.