Jueces 9:6 - Wuj Pa K'ubultzij

⁶ Chrijil chik ile konojel i winaq aj Siquem xaq i winaq aj Bet-milo, xkimol kib' chila chuxe' i sik'al chi o chila ru' i lo'laj ab'aj chi o chila Siquem, are uri xkiya kan ma Abimelec pa ajawinel.

Jueces 9:6 Iomraidhean Croise

2 Samuel 5:9

Chrijil chik ile ma David x-ejeqi chila pa tinimit chi sutim rij ru' tapial, xuya pub'i: nim laj Tinimit re ma David. Are uri ma David le xukoj chik ukowil i tinimit le ru' jun nim laj tapial chi sutinnaq chrij, xjeqan b'i chila pa Milo xk'is k'a chila ipa o wi i nim laj ja re i ajawinel.

1 Reyes 12:1

I ma Roboam x-e pa tinimit Siquem, man konojel i winaq aj Israel xe'e chila chuya'ik kan ire pa ajawinel.

1 Reyes 12:20

Are xketamaj konojel aj Israel chi tzalijnaq chali ma Jeroboam, are uri xkitaq uk'amik, man keje ile kupon chkiwach konojel i winaq ke i jalajuj taq tinimit, are uri xkiya kan pa ajawinel pkiwi konojel aj Israel. Mijun chke aj Israel xekojon taq che i ralk'uwal kan etz mam David, xwi utzob'ajil ma Judá.

1 Reyes 12:25

Ma Jeroboam xutaq uyijb'axik i tinimit Siquem chi o pa taq jyub' re ma Efraín, chila xjeqi wi. Te'uri xutaq uyijb'axik i tinimit Penuel.

2 Reyes 12:20

Are i je rajpatanib' xe'anaw che ronojel, man are ike xech'ob'owik wach taq ukamsaxik kki'an che. Xkikamsaj chila chupam i nim laj ja Milo, chi o pa xulanik che i tinimit Sila.

JOSUÉ 24:26

Mam Josué xutz'ib'aj i tziji chupam i wuj re u'atb'al tzij i Dios, xuk'am jun nim laj ab'aj, xutik pulew chuxe' i Sik'al chi o naqaj che i lo'laj k'ijib'al re i Ajwal.

Jueces 9:5

pa Ofra ipa xjeqi wi te'eq uqajaw chi ma Jerobaal, chila chwach jun ab'aj xekamsax wi lajuj oxwinaq (70) ratz ucha' ma Abimelec. Xwi a Jotam xkam taj man xruwaj rib', chi cha'xel chke rak'al ma Jerobaal.

Jueces 9:7

Are xretamaj ma Jotam, xel b'i puwi i jyub' Gerizim, chila ko ksik'in wi loq, man keje ile kkita konojel: ¡Lik chita ub'e, winaq aj Siquem, man keje ile i Dios xaq kixuta yix!