Jueces 9:5 - Wuj Pa K'ubultzij

⁵ pa Ofra ipa xjeqi wi te'eq uqajaw chi ma Jerobaal, chila chwach jun ab'aj xekamsax wi lajuj oxwinaq (70) ratz ucha' ma Abimelec. Xwi a Jotam xkam taj man xruwaj rib', chi cha'xel chke rak'al ma Jerobaal.

Jueces 9:5 Iomraidhean Croise

1 Reyes 1:12

Sa'aj, man kinya jun pixb'anik chawe re tob'al re ak'aslemal yet xaq re tob'al uk'aslemal ma Salomón, chi awalab'.

1 Reyes 1:21

Xwiri we ka'an taj pacha ab'im, are katkamik, i walab' ma Salomón xaq yin lik kojkamsax na.

2 Reyes 10:17

Are xok b'i pa tinimit Samaria, ma Jehú xeukamsaj konojel i umuq uxikin ma Acab chi k'a je k'as kanoq. Lik xuchup kiwach konojel, chrij pacha ub'im i Ajwal che ma Elías.

2 Reyes 10:7

Are xupon i wuj ku', xekichap i lajuj oxwinaq (70) je uk'ojol i ajawinel, chi ma Acab, xekikamsaj; chrijil chik ile xkiya b'i kijolom chupam jub'an chikach, te'uri xkitaq b'i uya'ik pa tinimit Jezreel.

2 Reyes 11:3

I a Joás le waqib' junab' xkuwaj kib' ru' i kchajiwik chila prachoch i Ajwal; che i keb' oxib' junab' le, are ati Atalía xrajawin puwi i tinimit.

SEGUNDO LIBRO DE CR%D3NICAS 21:4

Xwiri ma Joram are lik kul chik puk'ijib'al chi o u'ij re kan uqajaw, lik ru' kuchil xeukamsaj konojel ucha' xaq jujun chke aj-atzil ke aj Israel.

Mateo 2:16

I mam Herodes, are xunab'ej chi xt'or kan kumal i nimaq kino'oj, lik xpe roywal chke. Rumal uri, xutaq kikamsaxik konojel i ral taq alab'om chi k'amaja kkichap keb' junab', chi je jeqel pa tinimit Belén, xaq che ronojel i jyub' chrij chwach. Keje ile chrij pacha i ij chi xkib'ij i nimaq kino'oj.

Mateo 2:20

Chatwalijoq, chak'ama b'i ak'al xaq i uchuch, chixtzalij che i jyub' Israel; man ya xekam ike chi kkaj te ukamsaxik ak'al. Keje ile xub'ij i ángel che.

Jueces 6:11

Are uri xk'un i ángel re i Ajwal, xkub'i chuxe' i sik'al chi o chila pa Ofra, chi o prulew ma Joás, chi ralk'uwal ma Abiezer. Ma Gedeón, chi uk'ojol ma Joás, ktijin te'eq chujos-ixik i trigo chila ipa kyitz' wi uva chi k-ani uwa'al uva muqb'am che; chila ruwam wi rib' man k-iltaj ti kumal aj Madián.

Jueces 6:24

Are uri ma Gedeón xuyijb'a jun sujb'al sipon chila kojb'al u'ij i Ajwal xaq xuya pub'i “Ajwal are chomb'al ib'”. I sujb'al sipon le k'a o chila pa tinimit Ofra ipa je o wi i ralk'uwal ma Abiezer.

Jueces 9:18

Xwiri yix, xane xixwalij chu'anik ch'oj chkij i ralk'uwal inqajaw, man xeikamsaj i lajuj oxwinaq (70) rak'al chwach jun nim laj ab'aj. Xwi ta la ile, xaq xiya taq kan ma Abimelec pa ajawinel chi rak'al qas ti mer rixoqil inqajaw, xa rumal taqi man ix alal ru'.

Jueces 9:2

—Pkib'i konojel i qalk'uwal, kintz'onoj utzil chiwe chi chib'ij chke i winaq aj Siquem chi mas utz kel chke we xa jun ku'at tzij pkiwi chwach we je lajuj oxwinaq (70) rak'al ma Jerobaal ke'ataw tzij.

Jueces 9:6

Chrijil chik ile konojel i winaq aj Siquem xaq i winaq aj Bet-milo, xkimol kib' chila chuxe' i sik'al chi o chila ru' i lo'laj ab'aj chi o chila Siquem, are uri xkiya kan ma Abimelec pa ajawinel.