Jueces 8:3 - Wuj Pa K'ubultzij

³ I Dios xeujach i kaj-atzil te'eq aj Madián pi'ab' chi ma Oreb xaq ma Zeeb. ¿Wach wa mas xin-an yin chi kmajaw ru' pacha xi'an yix? I je utzob'ajil ma Efraín are xkita wach xub'ij ma Gedeón, are uri xik'aw koywal che.

Jueces 8:3 Iomraidhean Croise

Salmos 115:1

Ajwal Dios, lik Yet chakojo a'ij, yoj taj; ¡Chakojo u'ij ab'i rumal i saq laj atzij, xaq i k'axnab'al ak'ux!

Salmos 44:3

Man are ti ki'ab' xaq are ti kich'ich' chi o uware k'ulala xyaw i ch'akanik chke; are ti ike xek'amaw kan ulew le. ¡Lik are acho'ab' xtiki che! ¡Lik are a'ij achomal xtiki che, man yet lik k'ax xeana'o!

Proverbios 15:1

I utz laj ula'ik uwach i tzij kuqajsaj i oywal; xwiri i xaqmanal ula'ik uwach kupetsaj mas oywal.

Proverbios 16:32

Mas utz jun winaq we we' taj kpe roywal chwach i jun chi lik nti kok ru' kuna ire; mas utz i jun chi ktiki chupek'ik rib' ire, chwach we ktiki chuch'akik nimaq taq tinimit.

Proverbios 25:11

Pacha mansan an-o'oj ru' retz'b'alil saq-o'oj, keje i tzij ile chi pu'ijlal kb'ixik.

Proverbios 25:15

Ru' unimal k'uxij kqajsax i oywal, i tzij chi lik chom ub'ixkil kuqajsaj ucho'ab' i tzij re oywal.

Juan 4:37

Man pacha kub'ij jun tzij: “Jun ktikanik xaq i jun chik kmolonik”.

Romanos 12:3

Kinb'ij ni chiwe wo'or, i Dios, rumal i rutzil uk'ux, uya'om chinqul ub'ixkil iri: Mich'ob' yix we utz taq kixch'ob'on mas chrij i yatal chiwe kich'ob'o. Wach taq i yatal chiwe rumal i Dios chijujunal, china uri ub'e we i Dios uya'om ukowil ik'ux chu'anik.

Romanos 12:6

I Dios, rumal i rutzil uk'ux chqe, jalajuj taq i anik uya'om chqe kojtiki che; we uya'om chqe chi kojtiki chub'ixkil chke i winaq wach utzijom Ire chqe, chqa'ana uri ru' ronojel ukub'ib'al qak'ux che i Jesucristo.

Filipenses 2:3

Ronojel ni'pa i ki'ano, mi'ano we xa rumal ch'oj o we xa rumal i utz kiwaj kpe piwi yix, xaq we xa kojb'al re i'ij yix ki'ano. Xwiri ni'pa i ki'ano, mi'an nim che iwib' chu'ankil; chi'ana che iwib' chi o mas ki'ij i iwachi'il chiwach yix.

Jueces 8:2

Xwiri ire xub'ij chke: —¿Kiwil ti b'a ub'e ri chi ni'pa i xi'ano le mas nim chwach i xin-an yin? I jub'i' chi xi'an yix le mas ne o u'ij chwach ronojel ni'pa xqa'ana yoj.

Jueces 8:4

Ma Gedeón ku' i jo'lajujwinaq (300) achiyab' lik je kosnaq chik are xki'axuj i raqana Jordán rumal koqtaxik ajch'oj chkij.