Jueces 8:21 - Wuj Pa K'ubultzij

²¹ Are uri ma Zeba xaq ma Zalmuna xkib'ij che ma Gedeón: —Chojakamsaj yet man jun achi ketamax uwach rumal ukowil uwach. Are uri ma Gedeón xwalijik i xeukamsaj xaq xuk'am li wiqb'al chi o pkiqul kikamey ma Zeba xaq ma Zalmuna.

Jueces 8:21 Iomraidhean Croise

Salmos 83:1

Ajwal Dios, ¡Matkanaj keje ile chi nti kab'ij! ¡Xaq matkanaj keje ile chi kayin ti awib' xaq katch'aw taj!

Salmos 83:11

Cha'ana chke kiwinaq chi nimaq kopis pacha xa'an che ma Oreb, xaq che ma Zeeb; cha'ana chke konojel i kaj-atzil pacha xa'an che ma Zeba, xaq che ma Zalmuna,

Salmos 83:12

chi xkaj xki'an ke che uk'ijib'al i Dios.

ISAÍAS 3:18

Che taq i ij le, i Ajwal kusachsaj ni uwach ronojel i etz'b'alil: Retz'b'alil aqanij, retz'b'alil jolomaj xaq sotsik ch'ich' re uqul ab'aj,

JOSUÉ 10:26

Are uri ma Josué xeukamsaj i jo'ob' ajawinelab', te'uri xeutzayb'a an chwach jo'ob' che', xetzayi kan chila k'a xqaj i ij.

Apocalipsis 9:6

Che i jo'ob' ik' le, i winaq lik kkitij ni uyej kumal, lik kkaj ni kamik, xwiri kekam taj. Tupu lik kkitzukuj kikamik, kkiriq taj.

Jueces 15:12

Are uri aj Judá xkib'ij che: —Yoj xojk'un chachapik man katqajach pki'ab' aj Filistea. Are uri a Sansón xub'ij chke: —Lik chib'ij pub'i i Ajwal we kinikamsaj ti yix.

Jueces 8:20

Chrijil chik ile xub'ij che a Jeter chi are i rak'al atz: —¡Jat chkikamsaxik! Xwiri a Jeter lik k'a k'ojol ala, rumali xuxij rib' chrelsaxik li uch'ich'.

Jueces 8:22

Are uri aj Israel xkib'ij che ma Gedeón: —Wo'or kqaj chi yet, awak'al xaq uwi amam ki'at ni tzij pqawi, man xa'an akoch' chqelsaxik pki'ab' aj Madián.

Jueces 8:26

Kolo kawinaq (40) pexu ralil ronojel i b'aq chi an-o'oj, xok ti uri pajil ronojel ni'pa i jub'an chik wiqb'al rib' jun winaq, xaq xoksax ti pajil i k'ul kaqkoj chi ki'u' i ajawinelab', xaq xoksax ti pajil i ketz'b'alil kiqul i kamey.

Jueces 9:54

Are uri ma Abimelec juntir xsik'in pan che i tol re, xub'ij che: Chawesaj li ach'ich' su' chinakamsaj, man kwaj taj chi kb'ixik jun ixoq xinkamsawik. Are uri i ajtol re xumin b'i uch'ich' che upam, xel k'a chel rij, keje ukamik ile.

1 Samuel 31:3

Te'uri xeterej b'i chrij ma Saúl, are uri i ajk'aqol ch'ab' xetiki chumajik ru' kich'ab', rumali chi ma Saúl le lik xuxij rib' chke.

1 Samuel 31:5

I kk'amaw b'i jalajuj taq uch'ich' ma Saúl re anb'al ch'oj are xrilo chi xkam ma Saúl are uri xaq xuk'aq rib' puwi uch'ich' ire xaq xkamik.