Jueces 7:8 - Wuj Pa K'ubultzij

⁸ Are uri ma Gedeón xeutaq b'i konojel i jub'an chi kachoch, xwiri chuxe'el kitaqik b'ik xuk'am kan kixar xaq rok'a' chij. Xwi xekanaj kan i jo'lajujwinaq (300) achiyab' chi xe'ulik. Xumol kichi' kajsik aj Madián chi kimolom kib' chwa ta'aj.

Jueces 7:8 Iomraidhean Croise

ISAÍAS 27:13

Che taq i ij le kxut'ix ni i nim laj trompeta, xaq ni'pa je sachnaq pa Asiria xaq keje ni'pa je elsam chwach kulew Egipto, kepe ni chukojik u'ij i Ajwal pa Jerusalén, che i ch'am laj jyub'.

LEVÍTICO 23:24

Chab'ij chke aj Israel: Che i nab'e ij re uwuq ik' ki'an ni jun nima'ij re i uxlanb'al ij xaq jun lo'laj moloj ib' re kuxtab'al, chi kxut'ix i trompeta ru' xaq re kojb'al u'ij i Ajwal

LEVÍTICO 25:9

Man che i lajuj ij che i wuqub' ik', chi are i ij re i kuyb'al mak, kixut'ij ni rok'a' chij ma, chila pa ronojel i tinimit.

NÚMEROS 10:9

Are kek'un ajch'oj chu'anik ch'oj chiwij chwach iwulew, rajwaxik uri chi yix ki'an ni ch'oj chkij ike le. Xwiri rajwaxik chi kixut'ij i trompeta xaq ko chixsik'inoq man keje ile, Yin chi in i-Dios yix kixk'un ni chink'ux, kixinto na xaq kixwesaj ni pki'ab' ajch'oj chiwij.

1 Corintios 15:52

che jun jo'taj tan k-antaj ile, are kch'aw i trompet re i k'isb'al ij; xa juntir pacha u'ankil jumutz'aj qab'a'wach, keje k-on qajalwachixik ile. Are kch'aw ni trompet, ni'pa i je kamnaq, kewalij che i kamik, xaq yoj, chi ni'pa i oj k'aslik, kjalwachix ni qach'akul.

JOSUÉ 6:20

Are uri i je ajsujul sipon ko xkixut'ij i rok'a' chij chi antal trompet che, are xkita i aj Israel xaq ike ko xesik'inik pacha b'ital chke rumal ma Josué, are uri xwulij li tapial nim uwach re itinimit. I aj Israel juntir xe'ok b'i pa tinimit i xki'an ke che.

JOSUÉ 6:4

Je wuqub' ajsujul sipon kkik'am nu b'i jujun rok'a' chij chi antal trompet che, kenab'ej nu b'i chwach i kaxa re utrat i Ajwal. Che i uwuq ij lik keb'in ni wuqmul chrij i tinimit Jericó, tz'aqat i ajsujul sipon kkixut'ij i rok'a' chij chi antal trompet che.

Jueces 3:27

Are xupon chila pkulew aj Israel, xuxut'ij i trompeta puwi i jyub' re ma Efraín sik'b'al ke konojel i winaq. Are uri xeqaj li konojel aj Israel chi je o chwi taq jyub', nab'e ma Aod chkiwach.

Jueces 6:33

Are uri konojel aj Madián, aj Amalec xaq konojel i winaq chi kepe prelb'al ij, xkimol kib', te'uri xki'axuj i raqana Jordán, xe'uxlan chila chwa ta'aj Jezreel.

Jueces 7:7

Are uri i Ajwal xub'ij che ma Gedeón: “Ku' i jo'lajujwinaq (300) achiyab' le chi xkitu' kiya' ru' ki'ab', kixinto na xaq kinjach ni aj Madián pi'ab', i jub'an chik che oj chi kachoch.”

Jueces 7:9

Che a'ab' le i Ajwal xub'ij che ma Gedeón: “Chatwalijoq man katqaj b'i chu'anik ch'oj ku' aj Madián, man keinjach pa'ab'.