7 Are uri i Ajwal xub'ij che ma Gedeón: “Ku' i jo'lajujwinaq (300) achiyab' le chi xkitu' kiya' ru' ki'ab', kixinto na xaq kinjach ni aj Madián pi'ab', i jub'an chik che oj chi kachoch.”
I achiyab' chi xkitu' kiya' ru' ki'ab' chi pacha utu'ik uya' i tz'i ku'ano chi xa kuri'o xa je jo'lajujwinaq (300), konojel i jub'an chik xexuki chutu'ik kiya'.
Are uri ma Gedeón xeutaq b'i konojel i jub'an chi kachoch, xwiri chuxe'el kitaqik b'ik xuk'am kan kixar xaq rok'a' chij. Xwi xekanaj kan i jo'lajujwinaq (300) achiyab' chi xe'ulik. Xumol kichi' kajsik aj Madián chi kimolom kib' chwa ta'aj.
Are uri ma Jonatán xub'ij che i tol re: —Jo ch'aqap, chila ipa o wi kik'ijib'al i winaq chi kkikoj ki'ij i jalajuj taq tiox. Moqxa i Ajwal Dios kojuto man nti jun b'iroxik chi ktiki ti ire che, ire kojuto che i ch'akanik ru' uk'iyal winaq xaq we xa keb' oxib' winaq.