Jueces 6:4 - Wuj Pa K'ubultzij

⁴ Konojel ike le kkiya kib' chwach kulew aj Israel, keupon k'a pa tinimit Gaza xaq lik kki'an k'ax che ronojel kitikon, lik nti chik kkiya kan chke re kkitijo mitene chij, b'oyexab' xaq mitene axna.

Jueces 6:4 Iomraidhean Croise

GÉNESIS 10:19

I uchi' i kulew xjeqan b'i pa Sidón xupon k'a pa Gerar xaq pa Gaza; pusuk' b'i Sodoma, Gomorra, Adma, Zeboim, uponnaq k'a pa Lasa.

GÉNESIS 13:10

I ma Lot xtaqen b'i k'ulala, are uri xril pan i ta'aj re i raqana Jordán, pusuk' b'i Zoar, chi lik utz re kja'axik pacha i tikanb'al re i Ajwal, xaq kmajawik pacha ulew pa Egipto, are k'amaja ksachsax uwach i nimaq taq tinimit Sodoma xaq i Gomorra rumal i Ajwal.

Proverbios 28:3

Jun utz ti laj winaq chi krel-aj ub'itaq re i nib'a', keje pacha i nim laj jab' chi kukamsaj i tikon.

JEREMÍAS 5:17

Kkitij nu b'i uwach atikon, awa, xaq kekib'i' ne b'i ak'ojol xaq i ami'al. Kekitij nu b'i achij, achikop, a-uva, xaq i a-higo. Ru' kich'ojb'al kkiwulijsaj ni nimaq taq tinimit chi sutim rij ru' tapial chi akub'am ak'ux yet che.”

LEVÍTICO 26:16

Yin kin-an uri iri chiwe yix: Kintaq na li jun nim laj xib'rikil piwi xaq ich'akul kutij ni jalajuj k'ax laj taq yob'il, a' tew, yob'il wachij, ch'akulaj chi to' kt'ub'ub'ik; lik nti kuya re chiwe chi kixtikanik man are i je ajch'oj chiwij ketijaw b'i uwach i tikon.

ABDÍAS 1:5

“We kek'un taq ili'omab' awu' cha'ab' pa el-anik, kkik'am tu b'i ronojel; we xaq kek'un ajmolol uva kkiya kan keb' oxib' ch'uyaj. Xwiri i je ajch'oj chawij, lik kiqajsam a'ij.

Miqueas 6:15

Kattikan na, xwiri nti kamolo; kajok' ni uwach i olivo, xwiri nti kawaj che i aceite; kaya'ya ni uva, xwiri katu' ti i uwa'al uva muqb'am.

Deuteronomio 28:33

Winaq chi aweta'am ti kiwach kkitij b'i uwach atikon xaq kkik'am nu b'i ronojel ni'pa ach'akom chwach achak. Ij ij kki'an ni k'ax chawe xaq kkipetsaj b'is ru' awanima.

Deuteronomio 28:51

Ike kekitij nu b'i konojel kak'al achikop xaq ronojel ni'pa uwach atikon chi kuya awulew, k'a kkik'is nu b'i chawe ronojel; man lik nti chik pich' trigo, uwa'al uva muqb'am, aceite, kak'al achikop xaq kak'al achij, keje ile katkam ni rumal numik.

Jueces 6:3

Arewi are o kitikon aj Israel, keupon aj Madián, aj Amalec xaq aj prelb'al ij chu'anik k'ax che.