Jueces 5:11 - Wuj Pa K'ubultzij

¹¹ Chila chuxol i tu'b'al taq kiya' i chikop, are kita uch'awb'al i son re i sotsaq ch'ich' chkikojo u'ij i Ajwal rumal i ch'akanik chi xu'an pa taq komon re Israel.

Jueces 5:11 Iomraidhean Croise

GÉNESIS 24:11

Are xeuponik, xeupuyb'a i kamey chila naqaj che i k'otom, chi o tzam ja re i tinimit, are kul chik i ij chwi jyub' chi xaq are or ile chi keupon ixoqib' chuk'amik kiya' chi k'otom.

GÉNESIS 29:2

Are xupon chila xril jun k'otom ipa je uxlannaq wi oxib' tzob'aj chij, je uxlannaq chila man chila kkitu' wi kiya' chuchi' i k'otom le. Xwiri i k'otom le kojtal jun nim laj ab'aj chuchi'.

GÉNESIS 29:3

Rumali i je ajyu'ul chij kkesaj i nim laj ab'aj le are kimolom chik kib' konojel i chij re kkitu' kiya', are ktu'taj kiya' konojel i chij i je ajyu'ul ke le kkikoj chi kan i nim laj ab'aj chuchi' i k'otom.

Job 29:7

Are kinkub'i te'eq chila che i k'ijib'al re molb'al ib' pa tinimit.

Salmos 145:7

K-an ni lapanik chrij i nim laj rutzil ak'ux, xaq kesik'in ni chub'ixkil chi Yet lik at suk'ul laj Dios.

Salmos 71:15

Ronojel ij kintzijoj ni ru' inchi' chi yet xojato, xaq a'anom i suk'ul laj atb'al tzij chqe, ¡Ile lik are jun b'iroxik chi kintiki ti chutayik ub'e!

ISAÍAS 12:3

Xaq yix utz kix-e chutu'ik i ya ru' kikotemal chi are i ralaxb'al ya re totajik.

ISAÍAS 28:6

Kuya ni suk'ul laj atb'al tzij chke aj-atol tzij ipa kki'at wi i tzij, xaq kuya ni ukowil kiwach i achiyab' chi je yij che i ch'oj chi kkichajij i tinimit.

JEREMÍAS 7:2

Chat-ol chila pa okb'al b'ik che i rachoch i Ajwal xaq chaya retamaxik i tzijoniki chila: Iwonojel yix ix aj Judá chi kixok b'i che uchija chukojik u'ij i Ajwal, chita i tzijoniki

Lamentaciones 5:4

¡I qaya' lik kqalo'o; i qasi' lik kqatojo!

Lamentaciones 5:9

Kqatij uyej pqak'aslemal rumal uriqik jun qawa man lik o ch'oj pa tz'inilik jyub' chaqij.

Miqueas 6:5

Intinimit, chk'un chak'ux uch'ob'onik a Balac, ajawinel re i Moab, xaq i ula'ik uwach chi xub'ij i a Balaam chi uk'ojol i ma Beor. Chk'un chak'ux are xatik'aw pa Sitim k'a pa Gilgal, xaq xawetamaj i ch'akanik re i Ajwal.”

Deuteronomio 22:24

chekeb' uri kek'am b'i chwach i atb'al tzij re i tinimit, man chila kekamsax wi che ab'aj. I ali kkam na rumal xutz'onoj ti utob'al chke i winaq pa tinimit, xaq keje ile k-an che i achi rumal xuqajsaj u'ij rixoqil rach lok'anij. Keje ile kiwesaj i utz taj chi o chixol yix.

Deuteronomio 33:21

Xkanaj kan i rutzil ulew pa'ab' chi ke i je aj-atzil. Xaq xok b'i chkiwach i tinimit, x-on i suk'ul laj atb'al tzij chwach i Ajwal xaq keje x-on ku' aj Israel.

Jueces 11:40

Rumali xkanaj chkixol aj Israel chi konojel altom kajib' ij kkimol kib' che o'ej junab' junab' rumal umi'al ma Jefté.

Jueces 5:8

Je o jujun chi xkitzukuj chik ki-dios k'ak', tz'aqat are ktijin i ch'oj pa taq okb'al re i tinimit xwiri lik mijun che' ch'ich' utzam xaq mijun ch'ab' x-iltaj chkixol i jo'chiy (40,000) aj Israel.

1 Samuel 12:7

Rumali, chiyijb'a iwib', man lik chwach i Ajwal kinya retamaxik chiwe chrij ronojel ni'pa i utz chi uya'om Ire chiwe yix xaq chke iwatit imam.