Jueces 4:5 - Wuj Pa K'ubultzij

⁵ I ati Débora le arewi kkub'i chuxe' jun palma chi etamam uwach ru' i b'iyaji: “Palma re ati Débora” chi o chila prulew ma Efraín chuxol keb' tinimit, Ramá xaq i Betel; i aj Israel le chila keupon wi ru' chuyijb'axik kich'oj.

Jueces 4:5 Iomraidhean Croise

GÉNESIS 35:8

Che taq i ij le xkam ati Débora, chi k'itsawnaq tit Rebeca, xkimuq kan chila chuxe' i Sik'al chi o naqaj che i Bet-el, rumali ma Jacob xuya pub'i i k'ijib'al le: “Sik'al re o'ej.”

ÉXODO 18:13

Chukab' ij i ma Moisés xkub'i chu'atik tzij pkiwi aj Israel, i winaq le lik jun ij je tak'al chwach ma Moisés, are kepe i jub'an keupon i jub'an chik, xkijeq xsaqirik xaq k'a are o wi xqaj i ij.

ÉXODO 18:16

Are o taq kich'oj kek'un wu', man yin kin-at tzij pkiwi, are uri kinsaqij utzij upixab' i Dios chke xaq i u'atb'al tzij —xcha.

ÉXODO 18:19

Wo'or chata wach kinb'ij chawe: Yin katinpixb'aj xaq i Dios ol ni awu'. Are i ka'an yet, rajwaxik katch'a'at ru' i Dios pa kik'exel i winaq, ni'pa i kich'oj kajach che i Dios.

ÉXODO 18:26

Ike le xki'at tzij pkiwi i winaq ronojel ij; i nimaq taq ch'oj kkik'am b'i chwach ma Moisés, xwiri i ch'oj chi qas ti nimaq kki'at tzij ike pkiwi.

JEREMÍAS 31:15

I Ajwal kub'ij: “Ktataj jun ch'awb'al pa tinimit Ramá chi lik ko'ik. Ile are ati Raquel chi ko' kumal i rak'al, xaq kraj taj chi kkub'sax uk'ux man je kamnaq chik rak'al.”

JOSUÉ 16:2

Xaq kel chik uchi' ulew chila Bet-el chi Luz ub'i, kupon k'a chuchi' kulew i je aj Arquita k'a chila pa Atarot;

JOSUÉ 18:22

Bet-arabá, Zemaraim, Bet-el,

JOSUÉ 18:25

Xaq i Gabaón, Ramá, Beerot,

Jueces 4:4

Che taq i ij le aj Israel x-at tzij pkiwi rumal ati Débora chi profeta, chi rixoqil ma Lapidot.

1 Samuel 1:1

Chila prulew ma Efraín che jun k'ijib'al chi Ramá ub'i, jeqel jun achi chi ukwenta ralk'uwal ma Zuf, chi ma Elcana ub'i. I ma Elcana le uk'ojol ma Jeroham ri umam mam Eliú. Uxikin mam Tohu chi uk'ojol kan mam Zuf, ike le je utzob'ajil ma Efraín.

1 Samuel 1:19

Chukab' ij we' xewalijik, chrijil chik ukojik u'ij i Ajwal, xetzalij b'i chi kachoch pa tinimit Ramá. Chrijil chik ile i ma Elcana xumin rib' ru' ati Ana chi rixoqil, are uri i Ajwal xuya urayijb'al ati Ana.

1 Samuel 22:6

Tz'aqat are kul b'i ma Saúl chuxe' jun che' chi keje ub'i iri: Tamarisco re i lo'laj k'ijib'al re i Dios, ile o chila pa tinimit Gabaa. Ire le sutim rij kumal rajpatanib' xaq rok'am uche' ch'ich' utzam pu'ab'. Are xretamaj chi ma David xaq i achiyab' chi je rachnimam, x-iltaj kiwach,

1 Samuel 25:1

Are xkam ma Samuel, konojel aj Israel xkimol kib' che i o'ej ru'. Xkimuq chi rachoch chila pa Ramá. Chrijil chik ile i ma David x-e pa tz'inilik jyub' chaqij Parán.

1 Samuel 7:17

Are ktzalij loq k-e chi rachoch chila pa Ramá xaq chila putinimit le ku'at li tzij puwi i tinimit Israel. Xaq chila che i k'ijib'al le xuyijb'a jun sujb'al sipon re i Ajwal.