Jueces 4:21 - Wuj Pa K'ubultzij

²¹ I ma Sísara lik kosnaq rumali xok li jun nim laj uwaram. Are uri ati Jael xuk'am jun ch'ayb'al xaq jun estaka chi koksax che i mujb'al; kok'il xaq lik kumatz rib' xtejeb' pan ru' ma Sísara. Are o chik ru', xuch'ap b'i estaka che ujolom, xqaj k'a chwach ulew xaq lik xch'api kan chila; keje ukamik uri ma Sísara ile.

Jueces 4:21 Iomraidhean Croise

Salmos 3:7

¡Chatwalijoq, Ajwal! ¡Lik chinato, in-Dios! Yet ka'an ni k'ax che kipalaj i je ajch'oj chwij; ¡Lik kab'oq ni kiware i utz ti laj taq winaq!

1 Corintios 1:19

Ke'eloq pacha xub'ij i Dios chupam uwuj ujer: Kinsachsaj ni kino'oj ni'pa i o kino'oj xaq chsach ni kib'iwil ni'pa taq i je b'iw.

1 Corintios 1:27

Ni'pa i to' je re uwach i jyub' ta'aj, ike kkib'ij chi yix nti ino'oj. Xwiri i Dios ix ucha'om yix yab'al kik'ix i jub'an chi nimaq kino'oj. Ix ucha'om yix chi nti icho'ab' yab'al kik'ix i jub'an chi o kicho'ab'.

Jueces 15:15

Chrijil chik ile, i a Sansón xuk'am pan jun ukakate' axna chila chi k'amaja kchaqijik, ru' ile xeukamsaj lajujwinaq kamo' (1,000) aj Filistea.

Jueces 3:21

Are uri ma Aod xresaj li uch'ich' ru' u'ab' moxim chi o chwa ra' wiqab'im, xumin b'i che upam ma Eglón.

Jueces 3:31

Chrijil chik ma Aod le are ma Samgar chi uk'ojol ma Anat xok'aw utzam chke aj Israel; i ma Samgar le xeukamsaj lajujwinaq jumo' (600) achiyab' aj Filistea ru' jun che' chi o ch'ich' chutzam re ch'ayb'al i b'oyex. Keje kito'ik aj Israel ile xu'ano.

Jueces 4:20

I ma Sísara xub'ij che ati Jael: —Chat-ol xolchija re i mujb'al, we o jun kk'unik i kutz'onoj taq chawe we o jun winaq pa ja, kab'ij che chi ntaj.

Jueces 4:22

Are xupon ma Barac chutzukuxik ma Sísara, ati Jael xel la li chuk'ulaxik, xub'ij che: —Sa'aj man kink'ut chawe ipa o wi achi chi kattijin chutzukuxik. Are xok b'i ma Barac pa ja ru' ati Jael, are uri xrilo chi jab'al b'i ma Sísara chwach ulew kamnaq chik xaq ch'apal jun estaka che ujolom.

Jueces 4:9

Ati Débora xub'ij che: —Kin-e awu' xwiri ronojel ni'pa i ch'akanik le koksax ti a'ij yet ru', man i Ajwal kujach ma Sísara pu'ab' jun ixoq. Are uri ati Débora x-e ru' ma Barac k'a pa Cedes.

1 Samuel 17:43

Xaq xub'ij che: —¿Xatab'a in tz'i man ru' che' xatk'un chu'anik ch'oj wu'? Are uri xuk'oqoj a David, pub'i i jalajuj taq utiox.