Jueces 4:2 - Wuj Pa K'ubultzij

² Rumali i Ajwal xeujach pu'ab' ma Jabín, chi ajawinel ke aj Canaán, chi ku'at tzij pa tinimit Hazor. I ma Jabín le o jun aj-atzil ukojom pkiwi achiyab' chi je yij che i ch'oj, chi ma Sísara ub'i, jeqel chila pa Haroset-goim.

Jueces 4:2 Iomraidhean Croise

Salmos 83:9

Cha'ana chke ike pacha xa'an che ma Madián, pacha xa'an che ma Sísara, xaq che ma Jabín chila chi raqana Cisón,

ISAÍAS 50:1

I Ajwal kub'ij: “¡Mich'ob' taq yix chi xinxutuj i tinimit Israel, chi ichuch yix, pacha jun achi chi kuxutuj i rixoqil, xaq we xixink'ayij taq yix pacha ix winaq chi ix o pa k'ax man rumal o taq ink'as ru' jun! Yix xixk'ayixik man rumal xixmakunik, i tinimit Israel chi ichuch yix, xxutuxik man yix lik xi'an qelqel che iwib'.

Mateo 18:25

I jun le lik nti keuk'ama wi, tojb'al re uk'as chi u'anom. Rumali, i ajawinel xub'ij chi kk'ayix na, junam ru' i rixoqil, xaq i rak'al, xaq ronojel i ub'itaq re, tojb'al re uk'as.

JOSUÉ 11:1

Are xretamaj ma Jabín chi ajawinel re i tinimit Hazor, xutaq tzij ru' ma Jobab ajawinel re i tinimit Madón, xutaq tzij ru' i ajawinel re i tinimit Simrón, xutaq tzij ru' i ajawinel re i tinimit Acsaf,

JOSUÉ 19:36

Adama, Ramá, Hazor,

Jueces 10:7

Rumali i Ajwal lik xpe jun nim laj roywal chke, i xeujach pki'ab' aj Filistea xaq pki'ab' aj Amón.

Jueces 4:13

xumol uchi' jo'winaq kamo' (900) uch'ich' re b'inb'al, xaq konojel uwinaq chi je yij che i ch'oj junam xe'e k'a che i jyub' Haroset-goim k'a chuchi' i raqana Cisón.

Jueces 4:16

I ma Barac xterej b'i chkij uwinaq ma Sísara chi je o pa ch'ich' re b'inb'al xaq i je o chaqan, xetiki chke k'a pa Haroset-goim. Che i ij le mijun chke uwinaq ma Sísara chi je yij che i ch'oj xk'asi kanoq, konojel is xekamik.

1 Samuel 12:9

Xwiri ike xsach i Kajwal Dios chkik'ux, rumali i Ajwal le xeujach pu'ab' ma Sísara, chi kaj-atzil i achiyab' chi je yij che i ch'oj re ma Jabín, chi ajawinel pa tinimit Hazor, xaq xeujach pki'ab' aj Filistea xaq pu'ab' i ajawinel aj Moab. Je are ike le xki'an ch'oj chkij aj Israel.