Jueces 4:16 - Wuj Pa K'ubultzij

¹⁶ I ma Barac xterej b'i chkij uwinaq ma Sísara chi je o pa ch'ich' re b'inb'al xaq i je o chaqan, xetiki chke k'a pa Haroset-goim. Che i ij le mijun chke uwinaq ma Sísara chi je yij che i ch'oj xk'asi kanoq, konojel is xekamik.

Jueces 4:16 Iomraidhean Croise

Salmos 104:35

¡Lik chsach ni kiwach ajmakib' chwach i jyub' ta'aj! Xaq ¡Lik chk'is ni kiwach i itzel laj taq winaq! ¡I Wanima kunimarsaj u'ij i Ajwal! ¡K'amori che i Dios!

Salmos 83:10

chi xchupsax kiwach chila Endor, ¡Chi x-ani pacha kis chke chwach taq ulew!

Salmos 83:9

Cha'ana chke ike pacha xa'an che ma Madián, pacha xa'an che ma Sísara, xaq che ma Jabín chila chi raqana Cisón,

ÉXODO 14:28

I mar are xtzalij chik puk'ijib'al xeumuq b'i ch'ich', kaway xaq konojel uwinaq ma faraón chi je yij che i ch'oj, chi je terejnaq b'i chkij aj Israel chupam i mar; mijun chke uwinaq ma faraón xk'asi kanoq.

ISAÍAS 43:17

Xeresaj li konojel uk'iyal winaq chi lik je yijil che i ch'oj, ru' kikareta xaq ru' kikaway, re sachb'al kiwach. Xeutzaqsaj xaq lik xewalij ti chik, xk'is kiwach pacha i chij re i a' chi kchupik.

Romanos 2:12

Ni'pa xketamaj ti utzij upixab' i Dios chi tz'ib'tal kan rumal i mam Moisés, ike we ki'anom kimak, ksachsax ni kiwach, xwiri are ti u'atb'al tzij i mam Moisés ku'at tzij pkiwi. Xwiri i jub'an chik chi keta'am, we ki'anom kimak are i atb'al tzij le kub'ij chke chi kpe ni tojb'al mak pkiwi.

Santiágo 2:13

Man i Dios lik kril ti tob'al kiwach i winaq we kilom ti tob'al kiwach i kachi'il. Xwiri, we yoj qilom tob'al kiwach i winaq, i Dios kril uri tob'al qawach yoj are ku'an i atb'al tzij pqawi.

JOSUÉ 10:10

I Ajwal xusach kinojb'al i aj Hamor xaq lik xkixij kib' chke i aj Israel, rumali je k'i chke xekam chila Gabaón. Ni'pa i xe'anmajik xeterb'ex b'i kumal i aj Israel, are xekimaja, xekikamsaj che i b'e re i Bet-horón, xkik'isa kikamsaxik k'a che i tinimit Azeca xaq che i tinimit Maceda.

JOSUÉ 11:8

I Ajwal xeujach konojel i je ajch'oj le pki'ab' i je aj Israel, i je aj Israel le xeterej b'i chu'anik ch'oj chkij, xetiki chkikamsaxik k'a chwa ta'aj Mizpa chila che i nim laj tinimit Sidón xaq che i tinimit Misrefotmaim, chila prelb'al ij. Konojel xekikamsaj, mijun xkik'asb'a kanoq.

Jueces 4:17

I ma Jabín, chi ajawinel re i tinimit Hazor, nti kich'oj chkiwach ru' i ma Heber chi aj Ken. I ma Sísara chi anmajnaq b'i chaqan, xupon k'a ru' ja ru' ati Jael chi rixoqil ma Heber.

Jueces 4:2

Rumali i Ajwal xeujach pu'ab' ma Jabín, chi ajawinel ke aj Canaán, chi ku'at tzij pa tinimit Hazor. I ma Jabín le o jun aj-atzil ukojom pkiwi achiyab' chi je yij che i ch'oj, chi ma Sísara ub'i, jeqel chila pa Haroset-goim.