Jueces 4:15 - Wuj Pa K'ubultzij

¹⁵ Are ma Barac xaq i uwinaq chi je yij che i ch'oj xe'e pa ch'oj chrij ma Sísara, i Ajwal xukoj xib'rikil chke konojel uwinaq ma Sísara xaq chke konojel ni'pa je o pa taq ch'ich' re b'inb'al, lik xuxij ne rib' ma Sísara, xel la li chupam uch'ich', x-anmaj b'i chaqan.

Jueces 4:15 Iomraidhean Croise

2 Reyes 7:6

Xuk'ulmaj chi Ajwal xu'an chke konojel achiyab' chi je yij che i ch'oj aj Siria, xkita uch'awb'al i ch'ich' chi re anb'al ch'oj, winaq je ajrij taq kaway xaq xkita uk'iyal winaq; rumali aj Siria xkich'ob'o chi i ajawinel aj Israel utz'onom utob'al che i ajawinel aj Het xaq che i ajawinel aj Egipto anb'al ch'oj chkij.

Deuteronomio 7:23

Xwiri Iwajwal Dios kuya i nimaq taq tinimit le pi'ab' xaq kijeq ni usachik kiwach k'a kixtiki ni chke konojel.

Hebreos 11:32

¿Wach chik mas kinb'ij chiwe? Xwi ile, lik k-an taj ti chik ub'ixkil chiwe wach i xki'an i ma Gedeón, xaq i ma Barac, xaq i ma Sansón; xaq wach i xki'an i ma Jefté, i ma David, i ma Samuel, xaq i je profeta.

JOSUÉ 10:10

I Ajwal xusach kinojb'al i aj Hamor xaq lik xkixij kib' chke i aj Israel, rumali je k'i chke xekam chila Gabaón. Ni'pa i xe'anmajik xeterb'ex b'i kumal i aj Israel, are xekimaja, xekikamsaj che i b'e re i Bet-horón, xkik'isa kikamsaxik k'a che i tinimit Azeca xaq che i tinimit Maceda.

1 Samuel 7:10

K'a ktijin ma Samuel chusujuxik i porom sipon chwach i Ajwal, are xeupon pan aj Filistea chu'anik ch'oj chkij aj Israel; are uri i Ajwal xuk'aq li jun nim laj uch'awb'al ray pkiwi chi lik xeuxib'ij, rumali ike xkijam kib' chke aj Israel.