Jueces 4:13 - Wuj Pa K'ubultzij

¹³ xumol uchi' jo'winaq kamo' (900) uch'ich' re b'inb'al, xaq konojel uwinaq chi je yij che i ch'oj junam xe'e k'a che i jyub' Haroset-goim k'a chuchi' i raqana Cisón.

Jueces 4:13 Iomraidhean Croise

1 Reyes 18:40

Are uri ma Elías xub'ij: —¡Cheichapa konojel ni'pa i profeta re ukojik u'ij i tiox Baal! ¡Miya chke ke'anmajik! Are uri i winaq xekichapo. Te'uri ma Elías le, xeuk'am b'i chi raqana Cisón chila xu'at pkiqul.

JOSUÉ 17:16

I ulemajil ma José xkila' uwach che: —Saq laj tzij, i jyub' chi kab'ij chqe le xaq kojok ti chwach, xwi ta la ile, xaq konojel i je aj Canaán chi je o chwa ta'aj o kich'ich' re i ch'oj xaq keje i je o chila Bet-seán rachi'ilam ukomon xaq pacha i je o chila chwa ta'aj re i Jezreel.

Jueces 1:19

Tupu i Ajwal o ku' utzob'ajil ma Judá chuk'amik ronojel i jyub', xwiri xetiki ti chkelsaxik i winaq chi je o chwa taq ta'aj, man ike o kich'ich' re i ch'oj chi lik ko laj taq ch'ich'.

Jueces 4:12

I ma Sísara are xretamaj chi ma Barac, uk'ojol i ma Abinoam, elnaq chub'i puwi i jyub' Tabor,

Jueces 4:7

Yin kin-an na chi ma Sísara chi kaj-atzil achiyab' chi je yij che i ch'oj, chi je re ma Jabín, kpe chu'anik ch'oj awu' chuchi' i ya Cisón ru' ronojel uch'ich' re b'inb'al xaq ku' konojel uwinaq chi je yij che i ch'oj, xwiri Yin keinjach ni pa'ab' yet.”

Jueces 5:19

Are uri i ajawinelab' xeupon chu'anik ch'oj che i k'ijib'al chi Taanac ub'i, chi o chila chutzal i raqana Meguido, xaq xeupon i ajawinelab' aj Canaán chu'anik ch'oj, xwiri xetiki tu b'i chuk'amik i b'eyomal xaq i saq-o'oj.