Jueces 4:12 - Wuj Pa K'ubultzij

¹² I ma Sísara are xretamaj chi ma Barac, uk'ojol i ma Abinoam, elnaq chub'i puwi i jyub' Tabor,

Jueces 4:12 Iomraidhean Croise

Salmos 89:12

Yet xat-anaw i moxab', xaq i wiqab'; i jyub' Tabor xaq i jyub' Hermón kkib'ixaj ab'i ru' jun nim laj kikotemal,

Salmos 89:13

ateleb' lik ronojel ktiki che, i a'ab' wiqab'im lik o ucho'ab' xaq lik kch'akanik.

JEREMÍAS 46:18

Yin, chi in ajawinel xaq inb'i Ajwal, chi ronojel kintiki che, lik kinsaqij pink'aslemal: Pacha i jyub' Tabor chi lik mas kwalij chkixol i jub'an chik jyub', xaq pacha i jyub' Carmelo chi kwalij puwi i mar, keje uk'unik i ajch'oj ile.

Oseas 5:1

Ix, ajsujul sipon, chita iri; chaya axikin, chutayik tinimit re Israel; chita yix chi ix o prachoch i ajawinel: Chiwij yix k-an ni atb'al tzij man ix keje pacha jun tzaqsab'al uwam kojtal pa Mizpa, xaq ix pacha jun k'at riptal b'i puwi i jyub' Tabor,

JOSUÉ 19:12

Kel chik chila che i tinimit Sarid kupek'ij b'i prelb'al ij, k'a chuchi' ulew Quislot-tabor, kupon k'a pa Daberat, te'uri kel chub'i k'a pa Jafia.

JOSUÉ 19:22

I uchi' ulew le kupon k'a pa Tabor, pa Sahazima, pa Bet-semes xaq kk'is chuchi' i ya Jordán; waqlajuj tinimit ronojel rachi'ilam ukomon.

JOSUÉ 19:34

Xaq k-e chik puqajb'al ij k'a pa tinimit Aznot-tabor, kik'aw pa Hucoc, k-e chi taq uchi' kulew utzob'ajil ma Zabulón chila pa wiqab', i uchi' puqajb'al ij kik'aw chuchi' kulew utzob'ajil ma Aser, chuchi' kulew utzob'ajil ma Judá, chuchi' i ya Jordán prelb'al ij.

Jueces 4:11

Naqaj che i Cedes, chutzal i sik'al chi re ma Zaanaim, chila o wi i k'ijib'al re ma Heber, chi aj Ken, chi ujek'om rib' ku' i jub'an chik aj Ken, ire petnaq chke umuq uxikin ma Hobab, chi uqajaw uji' ma Moisés.

Jueces 4:13

xumol uchi' jo'winaq kamo' (900) uch'ich' re b'inb'al, xaq konojel uwinaq chi je yij che i ch'oj junam xe'e k'a che i jyub' Haroset-goim k'a chuchi' i raqana Cisón.

Jueces 4:6

Xuk'ulmaj jun ij ati Débora xutaq usik'ixik jun achi chi ma Barac, chi uk'ojol ma Abinoam, chi jeqel chila pa Cedes, chi are jun tinimit ke utzob'ajil ma Neftalí xub'ij che: —I Ajwal, chi ki-Dios aj Israel, kub'ij iri chawe: “Jat chila puwi i jyub' Tabor, chamolo kichi' jo'mo' juchiy (10,000) achiyab' re kitzob'ajil ma Neftalí xaq ma Zabulón.

Jueces 8:18

Are uri xutz'onoj chke ma Zeba xaq che ma Zalmuna: —¿Wach ke'anaw i winaq chi xeikamsaj chila pa Tabor? Ike xkib'ij: Keje pacha kattzun yet, konojel ike keje ketzunik pacha ktzun uk'ojol jun ajawinel.