Jueces 4:10 - Wuj Pa K'ubultzij

¹⁰ Chila pa Cedes le, ma Barac xeusik'ij utzob'ajil ma Zabulón xaq utzob'ajil ma Neftalí, xumol kichi' jo'mo' juchiy (10,000) achiyab' chi je yij che i ch'oj, xaq x-e ati Débora ku'.

Jueces 4:10 Iomraidhean Croise

1 Reyes 20:11

Are uri i ajawinel ke aj Israel xutaq ub'ixkil che: “Makoj tan a'ij, man k'amaja kawilo we lik katch'akanik.”

Salmos 68:28

Wajwal Dios chak'utu acho'ab', ¡Chakamulij chik uk'utik ni'pa a'anom qumal yoj!

ÉXODO 11:8

Are uri konojel awajpatan kek'un ni wu', lik kexuki ni chub'ixkil i tziji chinwach: “Jat, xaq cheak'ama b'i konojel i winaq chi je teren chawij.” Are kkib'ij ile chwe te'uri kin-ek —xcha i ma Moisés che ma faraón. I ma Moisés le lik petnaq roywal are xel chwach ma faraón le.

Jueces 4:14

Are uri ati Débora xub'ij che ma Barac: —¡Jib'a awib' man che i iji i Ajwal kujach i ma Sísara pa'ab'! ¡I Ajwal nab'e chik chkiwach awajch'oj! Are uri ma Barac xqaj b'i chwi i jyub' Tabor je teren b'i jo'mo' juchiy (10,000) achiyab' chrij chi je yij che i ch'oj.

Jueces 4:6

Xuk'ulmaj jun ij ati Débora xutaq usik'ixik jun achi chi ma Barac, chi uk'ojol ma Abinoam, chi jeqel chila pa Cedes, chi are jun tinimit ke utzob'ajil ma Neftalí xub'ij che: —I Ajwal, chi ki-Dios aj Israel, kub'ij iri chawe: “Jat chila puwi i jyub' Tabor, chamolo kichi' jo'mo' juchiy (10,000) achiyab' re kitzob'ajil ma Neftalí xaq ma Zabulón.

Jueces 5:15

Xaq i aj-atzil ke utzob'ajil ma Isacar lik xkachnimaj b'i ati Débora; i ma Isacar xuto ma Barac man xterej b'i chrij are x-e chwa ta'aj. We chkixol konojel uwinaq ma Rubén je o winaq chi lik ko kiwach.

Jueces 5:18

I utzob'ajil ma Zabulón xaq utzob'ajil ma Neftalí xkiya kik'aslemal pa ch'oj chila chwi nimaq taq jyub', lik nti ke che we xekamik.

Jueces 6:35

xwi ta la ile, xaq xeutaq b'i jub'an winaq chkisik'ixik konojel utzob'ajil ma Manasés chi kkiya kiwach ru'. Xaq xutaq kisik'ixik utzob'ajil ma Aser, ma Zabulón xaq konojel utzob'ajil ma Neftalí chi xaq kkiya kiwach ru'.

1 Samuel 25:27

Wo'or kintz'onoj utzil chawe chi ronojel ni'pa i sipon chi ink'amom li chawe, chjach ni chkiwach konojel ni'pa awajchak chi at kachnimam,