Jueces 3:23 - Wuj Pa K'ubultzij

²³ Chrijil chik ile ma Aod xutz'apij uchija xukoj lawe che, te'uri xuk'aq b'i rib' pa wantana.

Jueces 3:23 Iomraidhean Croise

2 Samuel 13:18

I taqon le lik xu'ano pacha xb'ix che, xresaj b'i ixoq xaq lik utz utz'apixik uchija xu'an che. Are uri al Tamar le chi ukojom jun chom laj u'u' lik pacha kkikoj kimi'al i ajawinelab' chi k'amaja kek'uli'ik,

Jueces 3:20

I ma Aod are xkanaj kan utukel ru' ma Eglón, are uri xtejeb' pan ru' pa ja ipa uxlannaq wi, xub'ij che: I tzij chi ink'amom li chawe, nim laj winaq, are i Dios b'iwnaq li chwe. I ma Eglón are xuta ile xwalij pukub'ib'al chi o u'ij.

Jueces 3:22

Lik ko xumin b'ik man xsach ne b'i uxe' i ch'ich' xaq uchapb'al re, lik x-aljin ti chik man are uti'ojil xch'uquw b'i ch'ich'; i ma Aod le xresaj ti chub'i uch'ich'.

Jueces 3:24

Are enaq chik ma Aod xeupon i rajtaqon i ajawinel; are xkilo chi tz'apil uchija ipa o wi, are uri ike xkib'ij: Moqxa ktijin chutzaqik rib' k'a pa ja loq pa k'ijib'al chi joror upam are lik tij ij.