Jueces 21:8 - Wuj Pa K'ubultzij

⁸ Xkitz'onoj: “¿O nawi jun chi chqaxol chi xupon ti pa moloj ib' chwach i Ajwal chila pa Mizpa?” Are uri xk'un chkik'ux chi mijun chke aj Jabes re Galaad xeupon ti pa moloj ib'.

Jueces 21:8 Iomraidhean Croise

PRIMER LIBRO DE CR%D3NICAS 10:11

Konojel i winaq je aj pa tinimit Jabes chi ukwenta i Galaad, are xketamaj wach xki'an aj Filistea che ma Saúl,

Jueces 21:7

Xaq xkib'ij: ¿Wach nawi kqa'ano man kqatzukuj kixoqil konojel alab'om chi je k'as kanoq? Man lik qasaqim chwach i Ajwal, chi kqaya ti qami'al chke chi kek'uli ku'.

Jueces 21:9

Man are xik'awsax b'iyaj, mijun xula' uwach ub'i.

Jueces 5:23

I ángel re i Ajwal kutzijoj: “¡Chpet ni jun k'ax laj tojpen puwi ma Meroz xaq pkiwi konojel uwinaq!” Man xeupon ti chkito'ik i ajch'oj re i Ajwal pacha xki'an i ko kiwach.

1 Samuel 11:7

Are uri xeuk'am pan keb' b'oyexab' xu'an ch'aqa taq chke te'uri xutaq b'i uk'utik pa ronojel taq tinimit Israel, i ajb'il tzij keje iri kkib'ij chke i winaq: “Lik keje iri k-ani chke kib'oyexab' ni'pa kkiya ti kiwach ru' a Saúl xaq ru' ma Samuel.” Are uri xpe jun nim laj xib'rikil chke konojel i winaq rumali juntir xkiya kiwach ku'.

1 Samuel 11:9

Are uri xub'ij chke ajb'il tzij chi xek'unik: —Chib'ij chke i winaq aj pa tinimit Jabes re Galaad chi chweq pa'ij kojupon chkito'ik. Are uri i je ajb'il tzij xe'ek xaq xkilap chke aj Jabes, are xkita ike ile lik xekikotik.