Jueces 21:5 - Wuj Pa K'ubultzij

⁵ Kkitz'onoj chkiwach ike: “¿Pachin taq jun chqe chi oj o chi wo'or xupon ti pa moloj ib' chila pa Mizpa?”, Man lik kisaqim chi pachin jun kupon ti pa moloj ib', kkam na.

Jueces 21:5 Iomraidhean Croise

JEREMÍAS 48:10

(¡K'oqom i jun chi k-on ti uchak ru' ronojel uk'ux chi yatal chuqul rumal i Ajwal! ¡K'oqom i jun chi kraj ti kumin rib' chu'anik i kamik!)

Jueces 21:1

I achiyab' aj Israel lik xkisaqij chila pa tinimit Mizpa chi mijun chke kimi'al kek'uli ku' alab'om chi ke utzob'ajil ma Benjamín.

Jueces 21:18

Xwiri yoj kmajaw ti chqe chi kqaya qami'al chke chi kek'uli ku', man qonojel oj aj Israel qasaqim chi pachin jun kuya umi'al chke utzob'ajil ma Benjamín, lik kk'oqox na.

Jueces 21:6

Konojel aj Israel lik k'ax xuna kik'ux wach xkik'ulmaj i katz kicha' chi utzob'ajil ma Benjamín, xaq xkib'ij: “Che i iji xelsax b'i jun utzob'ajil aj Israel”.

Jueces 5:23

I ángel re i Ajwal kutzijoj: “¡Chpet ni jun k'ax laj tojpen puwi ma Meroz xaq pkiwi konojel uwinaq!” Man xeupon ti chkito'ik i ajch'oj re i Ajwal pacha xki'an i ko kiwach.

1 Samuel 11:7

Are uri xeuk'am pan keb' b'oyexab' xu'an ch'aqa taq chke te'uri xutaq b'i uk'utik pa ronojel taq tinimit Israel, i ajb'il tzij keje iri kkib'ij chke i winaq: “Lik keje iri k-ani chke kib'oyexab' ni'pa kkiya ti kiwach ru' a Saúl xaq ru' ma Samuel.” Are uri xpe jun nim laj xib'rikil chke konojel i winaq rumali juntir xkiya kiwach ku'.

1 Samuel 14:24

I aj Israel lik je kosnaq chik che i ij le man mijun utijom wa, man ma Saúl xu'an chke i winaq chi lik xkib'ij i tziji pub'i i Ajwal: “Chk'oqtaj ni jun we kutij jun b'iroxik are k'amaja kqaj ij xaq we k'amaja kin-an uk'exel chke ajch'oj chwij pacha xki'an ike chwe yin.”