Jueces 20:5 - Wuj Pa K'ubultzij

⁵ Che a'ab' le i winaq chi aj chila che i tinimit le xkisutij rij i ja ipa xojkanaj wi kanoq, man kich'ob'om ike chi kinkikamsaj, are uri xaqmanal xki'an che qas ti mer wixoqil le, rumali xkamik.

Jueces 20:5 Iomraidhean Croise

LEVÍTICO 18:24

Lik mitz'ij taq ik'aslemal ru' jun che ni'pa xinb'ij le, man ru' ile kitz'im kik'aslemal i jalajuj taq tinimit, chi kewesaj b'i chiwach.

Deuteronomio 22:21

kelsax li uri pa ja ke uqajaw uchuch man kkamsax ni che ab'aj kumal i winaq re i tinimit, rumal u'anik jun nim laj mak atzalal pa Israel, man xuqajsaj u'ij i kachoch uqajaw uchuch. Man keje ile kiwesaj i utz taj chi o chixol.

Deuteronomio 22:24

chekeb' uri kek'am b'i chwach i atb'al tzij re i tinimit, man chila kekamsax wi che ab'aj. I ali kkam na rumal xutz'onoj ti utob'al chke i winaq pa tinimit, xaq keje ile k-an che i achi rumal xuqajsaj u'ij rixoqil rach lok'anij. Keje ile kiwesaj i utz taj chi o chixol yix.

JOSUÉ 7:15

Pachin ru' kriqtaj wi i sachik te'eq uwach wumal Yin, ksachsax ni uwach uri pa a' junam ku' i ralk'uwal xaq i ub'itaq re, man xuqel intzij, xaq xaqmanal xu'an chkixol i rach aj Israel.

Jueces 19:22

Are mer kekikotik are uri xeupon jub'an achiyab' chi to' je ajperkatel pa taq b'e, xkisutij rij i ja ipa je o wi xaq xe'ok chutowtaxik uchija xaq xkib'ij che i mam chi rajaw ja: —¡Chawesaj li achi chi o awu' pa ja man kqaj kqa'an urayijb'al qach'akul ru'!

Jueces 19:28

Are uri xub'ij che: —Chatwalijoq jo'. Xwiri ixoq xula' ti chik uwach. Are uri ire xuyak b'i uch'akul ixoq le, xuya b'i chrij jun axna, te'uri xumaj b'i ub'e chi rachoch.

Jueces 20:4

I aj Leví, chi rachijil ixoq chi xkamik, xub'ij chke: —Yin xinupon chila pa tinimit Gabaa chi ke utzob'ajil ma Benjamín junam ru' etz qas ti mer wixoqil, man kojkanaj kan chila che a'ab' le.