Jueces 20:3 - Wuj Pa K'ubultzij

³ I utzob'ajil ma Benjamín xketamaj chi i jub'an chik tzob'aj aj Israel xkimol kib' chila pa Mizpa. I aj Israel chi kimolom kib' pa Mizpa le, xkitz'onoj che aj Leví wach mer u'anik i kamik le.

Jueces 20:3 Iomraidhean Croise

Proverbios 22:3

Jun chi utz unojb'al are kril i k'ax kusol ub'e; xwiri i jun chi utz ti unojb'al kusol ti ub'e, rumali kutij uyej.

Mateo 5:25

We o jun ukojom amak, xaq katuk'am b'i chwach i atb'al tzij, chichomaj iwib' chiwach, tz'aqat k'a ix o pa b'e. Keje chi'ana ile, man ire katuya ti chwach i atb'al tzij. Man we xatupon chila, i atb'al tzij katujach ni pki'ab' i ajchajal re i tinimit; te'uri i ajchajinel le katutz'apij prexil.

Deuteronomio 13:15

lik keikamsaj ni uri konojel i winaq ru' ch'ich' chi je o chupam i tinimit le junam ku' konojel kichikop xaq kichup ni uwach ronojel ni'pa ub'itaq ke.

Jueces 20:12

Xkitaq b'i jub'an ajb'il tzij pa taq tinimit re utzob'ajil ma Benjamín chub'ixkil i tziji: “¿Wach taq usuk' i mak atzalal le chi xki'an i jujun chiwe yix?

Jueces 20:2

Konojel i aj-atzil ke jalajuj taq tzob'ajil je o chila; xaq konojel uwinaq i Dios, xemoltaj lajujchiy kat'ub' (400,000) achiyab' chi je yij che i ch'oj ajchaqan.

Jueces 20:4

I aj Leví, chi rachijil ixoq chi xkamik, xub'ij chke: —Yin xinupon chila pa tinimit Gabaa chi ke utzob'ajil ma Benjamín junam ru' etz qas ti mer wixoqil, man kojkanaj kan chila che a'ab' le.