Jueces 20:1 - Wuj Pa K'ubultzij

¹ Are uri konojel aj Israel, chi kjeqan li uchi' kulew pa Dan, kupon k'a Beerseba xaq k'a che i Galaad, xkimol kib' pacha xa jun achi chila pa tinimit Mizpa chwach i Ajwal.

Jueces 20:1 Iomraidhean Croise

2 Samuel 19:14

Keje uch'akik kik'ux achiyab' aj Judá ile xu'an i ajawinel; are uri konojel i achiyab' le xki'an xa jun kiwach che kib', xekib'ij che ma David chi ktzalij chub'i ku' ike junam ku' konojel i rajpatanib'.

2 Samuel 2:9

chila xu'an kan ajawinel che pkiwi aj Galaad, aj Gesuri, aj Jezreel aj Efraín, aj Benjamín xaq pkiwi konojel aj Israel.

2 Samuel 24:2

Are uri i ajawinel xub'ij che ma Joab, chi aj-atzil chke i achiyab' chi je yij che i ch'oj, chi je rachnimam: —Jat ku' konojel i jalajuj taq tzob'ajil aj Israel chi kjeqan b'i Dan k'a pa Beerseba, cheawajlaj konojel i winaq, man keje ile kwetamaj ni'pa i winaq je olik —xcha.

2 Samuel 3:10

Kwesaj ni u'ij ucho'ab' u'atb'al tzij i ralk'uwal ma Saúl, xwiri kinya ni u'ij u'atb'al tzij ma David puwi i tinimit Israel xaq puwi i tinimit Judá, kjeqan li k'a pa Dan kupon k'a pa Beerseba!

1 Reyes 5:5

Rumali inch'ob'om chi kin-an jun ja kojb'al u'ij i Wajwal in-Dios. Chrij pacha i sujunik chi xu'an Ire che ma David, chi inqajaw, man xub'ij chi are kuya kan uk'ojol pa ajawinel, are ni ire uri k-anaw i ja re kojb'al u'ij i Dios.

2 Reyes 25:23

I aj-atzil ke achiyab' chi je yij che i ch'oj aj Judá, xaq konojel i achiyab' chi je yij che i ch'oj, are xketamaj wach xk'ulmaxik le, xe'e pa tinimit Mizpa che i lapanik ru' ma Gedalías. I kib'i achiyab' le je are iri: Ma Ismael, chi uk'ojol ma Netanías, ma Johanán, chi uk'ojol ma Carea; ma Seraías, chi uk'ojol ma Tanhumet, chi aj Netofa, xaq ma Jaazanías chi, uk'ojol jun achi aj Maaca. Konojel xeachnimax b'i kumal kiwinaq.

PRIMER LIBRO DE CR%D3NICAS 21:2

Are uri ma David xutaq ma Joab xaq i kaj-atzil i winaq, xub'ij: —Jix chkajlaxik konojel aj Israel, chijeqa li kajlaxik pa Beerseba, keik'isa k'a pa Dan, xaq are kixutzin chkajlaxik, kixpe chub'ixkil chwe man keje ile kwetamaj na je ni'pa.

SEGUNDO LIBRO DE CR%D3NICAS 30:5

rumali chi xkitaq b'i wuj ku' i winaq re i jalajuj taq tinimit Israel, chi kjeqan b'i pa Beerseba, kuk'isa k'a pa Dan man ke'e pa Jerusalén chu'anik i nima'ij Pascua re i Ajwal, chi ki-Dios aj Israel. Man ujer ki'anom ti i nima'ij le chi lik kemoltaj k'i winaq chrij pacha tz'ib'talik.

Esdras 3:1

Are xuriqa i wuqub' ik', i aj Israel je o chik pkitinimit, are uri konojel i winaq xkimol kib' chila pa Jerusalén.

NEHEMÍAS 11:27

pa Hazar-sual, pa Beerseba xaq pa taq ukomon,

NEHEMÍAS 8:1

Are uri konojel i winaq re i tinimit junam xkich'ob' umolik kib' pa k'ijib'al ipa kkimol wi kib' i winaq re i tinimit chi o chwach uchija re i Ya, are uri xkib'ij che ma Esdras, chi tijonel, chi kuk'am li wuj re atb'al tzij re ma Moisés, chi xuya i Ajwal chke aj Israel.

JEREMÍAS 40:6

I ma Jeremías x-e ru' ma Gedalías chila pa Mizpa, xjeqi ru' xaq ku' i winaq chi xekanaj kan che i nim laj tinimit le.

NÚMEROS 32:1

I utzob'ajil ma Rubén xaq utzob'ajil ma Gad lik je k'i kichikop, are xkilo chi ulew Jazer xaq i Galaad lik chom re kiwayb'al i chikop,

NÚMEROS 32:40

Are uri ma Moisés xuya i tinimit Galaad xaq ronojel i ulew chi o chrij chwach, chke umuq uxikin ma Maquir, are uri ike xejeqi kan chila.

JOSUÉ 15:38

Dileán, Mizpa, Jocteel,

JOSUÉ 17:1

Iri are ulew chi xya' chke utzob'ajil ma Manasés, man ma Manasés le are nab'e rak'al ma José; i nab'e rak'al ma Manasés are a Maquir chi kiqajaw i je aj Galaad, ma Maquir le xya' ulew Galaad xaq i Basán che chi o prelb'al ij che i raqana Jordán, man ire lik ko uwach che i ch'oj.

JOSUÉ 18:26

Mizpa, Cafira, Mozah,

JOSUÉ 22:12

Are uri konojel i je aj Israel le xkimol kib' chila pa Silo, chuch'ob'ik u'anik ch'oj chkij i keb' tzob'aj ru' nik'aj le.

JOSUÉ 22:9

Are uri i je utzob'ajil ma Rubén, je utzob'ajil ma Gad xaq nik'aj chke utzob'ajil ma Manasés xe'el chila pa Silo chi o pa Canaán, o'tab'al kan ke i je aj Israel, xe'e k'a pa Galaad chwach i kulew chi yatal chke rumal etz mam Moisés chrij pacha xub'ij i Ajwal.

JOSUÉ 4:13

Kolo je jo'chiy (40,000) achiyab' chi je yij che i ch'oj, xeb'in chwach i Ajwal, xe'e chwa ta'aj re i Jericó.

Jueces 10:17

I aj Amón xkimol kib' i xe'uxlan chila Galaad xaq aj Israel xkimol kib' i xe'uxlan chila Mizpa.

Jueces 11:11

Are uri ma Jefté le x-e ku' aj Galaad xaq ike xki'an kaj-atzil che. Chila che i k'ijib'al chi Mizpa ma Jefté xub'ij chik chwach i Ajwal pacha ub'im ujer.

Jueces 11:34

Are xupon ma Jefté chi rachoch chila pa Mizpa, are uri xel li umi'al chuk'ulaxik chi xa jun, lik kxajawik xaq kuchilcha i chilchil. Lik xwi i rak'al ire le.

Jueces 18:29

Tupu i tinimit le Lais te'eq ub'i ujer, xwiri ike xkiya pub'i Dan, kuxtab'al re i etz katit kimam chi ma Dan, chi uk'ojol kan etz ma Israel.

Jueces 20:11

Konojel aj Israel xkimol kib', lik xa jun xki'an che kib', xe'e chu'anik ch'oj pa tinimit Gabaa.

Jueces 20:18

I aj Israel xe'e pa tinimit Betel chutz'onoxik che i Dios pachin taq tzob'ajil kki'an ch'oj nab'e ku' utzob'ajil ma Benjamín. I Ajwal xub'ij chke chi are utzob'ajil ma Judá k-e chu'anik ch'oj nab'e.

Jueces 20:2

Konojel i aj-atzil ke jalajuj taq tzob'ajil je o chila; xaq konojel uwinaq i Dios, xemoltaj lajujchiy kat'ub' (400,000) achiyab' chi je yij che i ch'oj ajchaqan.

Jueces 20:26

Are uri konojel achiyab' chi je yij che i ch'oj xaq konojel i winaq aj Israel, xe'e chik pa Betel, xe'ok chub'ixkil che i Ajwal chi k'ax kuna kik'ux wach xkik'ulmaj. Lik jun ij xkimayij kiwa'im chusujuxik kisipon re chomb'al kib' chwach i Ajwal xaq chusujuxik i porom sipon.

Jueces 20:8

Konojel aj Israel xetak'i anoq, xkib'ij: —Mijun chqe yoj wo'or k-e chuxe' umujb'al xaq mijun k-e chi rachoch.

Jueces 21:5

Kkitz'onoj chkiwach ike: “¿Pachin taq jun chqe chi oj o chi wo'or xupon ti pa moloj ib' chila pa Mizpa?”, Man lik kisaqim chi pachin jun kupon ti pa moloj ib', kkam na.

1 Samuel 10:17

Chrijil chik ile, i ma Samuel xeusik'ij konojel aj Israel chila pa Mizpa kojb'al u'ij i Ajwal.

1 Samuel 3:20

Konojel i winaq aj Israel, chi kjeqan li kichi' che i tinimit Dan, kupon k'a che ulew Beerseba, xkikojo chi a Samuel lik saqil laj profeta re i Ajwal.