Jueces 2:3 - Wuj Pa K'ubultzij

³ Wo'or kinb'ij chiwe: Kewesaj ti konojel i winaq le chiwach yix, ike xaq i ki-dios lik tzaqsab'al ni we yix kki'ano.

Jueces 2:3 Iomraidhean Croise

Salmos 106:36

Xkiya kib' chukojik ki'ij kitiox, rumali chi are ike xkitzukuj i nim laj tzaqsab'al chkij.

ÉXODO 23:33

Xaq mitene kiya chke chi kekanaj kan piwulew, man xa kki'an chiwe chi kixmakun chinwach Yin. We kikoj ki'ij i kitiox, lik saq laj tzij kixtzaq chupam i utz taj.

ÉXODO 34:12

Chichajij iwib' lik mi'an jun trat ku' i winaq ipa kix-e wi, moqxa kkikoj jun tzaqsab'al iwe.

NÚMEROS 33:55

man we yix keiwesaj tu b'i i winaq chwach ulew le, ike le kixkich'ich'a na, je keje na pacha taq jun xuruk' chi lik kjuch'uch' uk'axk'ol pib'a'wach xaq pacha jun k'ix chi kch'apch'at che ich'akul, are kixjeqi chwach ulew le.

Deuteronomio 7:16

Xwiri yix rajwaxik chi kichup kiwach konojel i winaq chi kujach i Ajwal pi'ab', miwil jub'i' tob'al kiwach xaq mikoj ki'ij kitiox, man are ile kixtzaqsaw chupam i mak atzalal.

Jueces 2:21

Rumali kewesaj ti chik i winaq chi je o pkulew chi xeresaj ti kan ma Josué are k'a k'aslik.”

Jueces 2:4

I ángel re i Ajwal are xutzin che i lapanik, konojel aj Israel xesik'in che o'ej.

Jueces 3:6

I kimi'al kik'ojol aj Israel xek'uli ku' i kimi'al kik'ojol i jub'an tinimit le xaq xkikoj u'ij kitiox.

Jueces 8:27

Ru' i an-o'oj le ma Gedeón xu'an jun efod xuya chila pa Ofra chi utinimit ire, xwiri konojel i winaq aj Israel xko'taj ukojik u'ij i Ajwal rumal i efod chi xu'an ire. Xaq ile xe'eloq pacha jun tzaqsab'al che ma Gedeón xaq chke i je ralk'uwal.