Jueces 2:16 - Wuj Pa K'ubultzij

¹⁶ xwiri i Ajwal xeu'ul winaq ajk'amol b'e chi kekito ike chkiwach i xe'el-aw b'i ub'itaq ke.

Jueces 2:16 Iomraidhean Croise

2 Samuel 7:11

Rumali chi xeinkoj aj-atzil chi xki'at tzij puwi intinimit Israel. Yin kinchup ni kiwach ajch'oj chawij xaq kinya retamaxik chawe chi keinya ni amuq axikin,

NEHEMÍAS 9:27

Rumali chi xeajach pki'ab' i ajch'oj chkij chi x-an mokom chke. Te'uri are je o pa k'ax xkitz'onoj kitob'al chawe, xaq Yet rumal rutzil ak'ux, xeata li k'a chikaj; xaq xeaya i tol ke chi kkesaj li pki'ab' i ajch'oj chkij.

Hechos 13:20

Ronojel ile xuch'ij lajuj kawinaq jumo' (450) junab'. Chrijil ile, xuya jub'an ajk'amol utzam chke, k'a che taq i ij re ma Samuel chi profeta.

Jueces 10:1

Chrijil chik ukamik ma Abimelec, xwalij jun achi chi re utzob'ajil ma Isacar chi ma Tola ub'i, chi uk'ojol ma Fúa, ri umam ma Dodo, xwalij chuk'amik utzam chke aj Israel. I ma Tola le jeqel te'eq pa Samir, chila chwi taq jyub' re utzob'ajil ma Efraín.

Jueces 11:32

Ma Jefté xu'an ch'oj ku' aj Amón, i Ajwal xu'an che chi xch'akanik, rumali xumaj kan kulew chke.

Jueces 3:15

Aj Israel lik k'a xkitz'onoj ni utzil che i Ajwal; rumali i Ajwal xu'ul jun winaq chi keuto. I tol ke le are jun aj moxim chi ma Aod, uk'ojol ma Gera, ukwenta utzob'ajil ma Benjamín. O jun ij, i aj Israel xkitaq b'i ma Aod chuya'ik jun sipon che ma Eglón.

Jueces 3:31

Chrijil chik ma Aod le are ma Samgar chi uk'ojol ma Anat xok'aw utzam chke aj Israel; i ma Samgar le xeukamsaj lajujwinaq jumo' (600) achiyab' aj Filistea ru' jun che' chi o ch'ich' chutzam re ch'ayb'al i b'oyex. Keje kito'ik aj Israel ile xu'ano.

Jueces 4:5

I ati Débora le arewi kkub'i chuxe' jun palma chi etamam uwach ru' i b'iyaji: “Palma re ati Débora” chi o chila prulew ma Efraín chuxol keb' tinimit, Ramá xaq i Betel; i aj Israel le chila keupon wi ru' chuyijb'axik kich'oj.

Jueces 6:14

I Ajwal xuk'am utaqexik xub'ij che: —Chakojo acho'ab' chi o awu', man kat-e chkelsaxik aj Israel chi je o pki'ab' aj Madián. Yin katintaq b'ik.

Rut 1:1

Xuk'ulmaj are kki'at te'eq tzij i je ajk'amol b'e re i tinimit Israel, are uri xpe jun nim laj wa'jal chila che ronojel ulew le. Are uri jun achi aj Belén re ulew Judá, chi ma Elimelec ub'i, x-e jeqi che i jyub' Moab, junam ru' i rixoqil chi tit Noemí xaq i je keb' uk'ojol, chi je are iri: A Mahlón xaq a Quelión, konojel ike le je aj Efrata, chi ke'eloq je aj Belén re ulew Judá; are xeupon che i ulew Moab xejeqi kan chila.

1 Samuel 12:11

Rumali i Ajwal xutaq b'i ma Jerobaal, ma Barac, ma Jefté xaq yin, chi in ma Samuel, chiwelsaxik yix pki'ab' i ajch'oj chiwij, rumali yix lik utz xixk'iji'ik.

1 Samuel 14:48

Xumol kichi' konojel achiyab' chi je yij che i ch'oj, xaq xeuch'ak i aj Amalec tob'al ke aj Israel pki'ab' ili'omab'.