Jueces 19:10 - Wuj Pa K'ubultzij

¹⁰ Xwiri aj Leví le xraj taj chi kkanaj chik jun a'ab' chila; rumali chi xkimaj b'i kib'e junam ru' qas ti mer rixoqil, umokom xaq i keb' u'axna chi o xila chkij. Are ktijin ktejeb'ik chwach pan i Jebús, chi are i Jerusalén,

Jueces 19:10 Iomraidhean Croise

2 Samuel 5:6

I ajawinel chi ma David xaq i uwinaq xe'e pa Jerusalén chu'anik ch'oj chkij aj Jebús chi je o chila che i ulew le. Xwiri i aj Jebús, xkich'ob' ike chi ma David ktiki ti che i okik pa tinimit le, xkib'ij che: “Yet kattiki ti che i okik pa tinimiti, xa ne i je mawach xaq i je klis katkich'ak pa ch'oj, rumali chi katok ta loq.”

JOSUÉ 15:63

Xwiri je umuq uxikin ma Judá xetiki ti chkelsaxik b'i aj Jebús chi je o pa Jerusalén. Rumali xekanaj kan pa Jerusalén junam ku' umuq uxikin ma Judá, k'a arewi wo'or junam je olik.

JOSUÉ 15:8

Xaq kel chub'i uchi' chwa ta'aj chi re uk'ojol ma Hinom, pa wiqab' che i uwa jyub' re i tinimit aj Jebús, chi xaq are i Jerusalén. Te'uri kel chub'i uchi' tzam jyub' puqajb'al ij che i ta'aj re i ma Hinom, pa moxab' che i ta'aj Refaim.

JOSUÉ 18:28

Zela, Elef, Jebús chi wo'or Jerusalén kb'ix che, Gabaa xaq i Quiriat, kajlajuj tinimit rachi'ilam ukomon. Are ulew ile xaq i tinimit chi xya' chke i kalk'uwal ulemajil ma Benjamín.

Jueces 1:8

I je utzob'ajil ma Judá xki'an ch'oj chila pa Jerusalén, xekikamsaj konojel i winaq ru' ch'ich', te'uri xkinak' a' che i tinimit,

Jueces 19:9

Are xkelej wa'im, are uri aj Leví xwalijik man ke'e junam ru' qas ti mer rixoqil xaq i umokom; are uri uqajaw ixoq le xub'ij che chi lik pen chik man ya kqaj i ij. Rumali xub'ij chik che chi kekanaj chik jun a'ab' chila man kekikot chik, te'uri chukab' ij lik we' ke'ek.