Jueces 19:1 - Wuj Pa K'ubultzij

¹ Che taq ij le are k'amaja jun ajawinel pkiwi aj Israel, o jun achi aj Leví chi jeqel naj che i jyub' ke utzob'ajil ma Efraín. Ire le xuk'am jun ixoq re qas ti mer rixoqil chi aj Belén re i tinimit Judá.

Jueces 19:1 Iomraidhean Croise

GÉNESIS 22:24

I ma Nacor le xaq xealax rak'al ru' ati Reúma chi qas ti rixoqil; i kak'al le je are iri: A Teba, a Gaham, a Tahas xaq a Maaca.

GÉNESIS 25:6

Xwiri i rak'al mam Abraham ku' jub'an chik ixoqib', xwi xusipaj jalajuj taq b'iroxik chke; xaq are k'a k'aslik xeutaq b'i naj, k'a che ulew prelb'al ij, jachb'al kixol ru' uk'ojol chi a Isaac.

GÉNESIS 35:19

Keje ukamik ati Raquel ile, xmuq kan chila pa b'e chi k-e pa Efrata chi wo'or are i Belén.

2 Samuel 16:22

Are uri xki'an jun umujb'al a Absalón puwi i nim laj ja re i ajawinel, chila xkotz'i wi ku' i qas ti mer je rixoqil uqajaw chkiwach konojel i winaq aj Israel,

2 Samuel 19:5

Are uri ma Joab x-e pa nim laj rachoch i ajawinel xaq xub'ij che: —Nim laj Winaq, wo'or konojel awinaq chi je yij che i ch'oj xeaya pa k'ix, chi xatkesaj yet junam ku' ami'al, ak'ojol, je awixoqil xaq i je qas ti mer awixoqil pki'ab' i je ajch'oj chawij.

2 Samuel 20:3

I ma David are xtzalij li pa nim laj rachoch pa Jerusalén, xeuk'am i lajuj qas ti mer rixoqil chi je uya'om kan chuchajixik i nim laj ja re i ajawinel, xeutz'apij chupam jun ja xaq lik xukoj chajal chke, chila xeril wi xaq xeutzuq wi, xwiri xumin ti chik rib' ku'. Are uri i ixoqib' le xekanaj kan chila che i ja le pacha taq je malkan, k'a are xekamik.

2 Samuel 3:7

I ma Saúl le o te'eq qas ti mer rixoqil chi ati Rizpa ub'i chi umi'al ma Aja chi xumin rib' ma Abner ru'. Rumali ma Is-boset xuch'ojij che ma Abner: —¿B'uchak xamin awib' ru' i qas ti mer rixoqil inqajaw le?

2 Samuel 5:13

Chrijil chik relik ma David pa tinimit Hebrón, are xupon pa Jerusalén, xeutzukuj chik jub'an rixoqil xaq jub'an chik qas ti mer je rixoqil chi xkalaj kak'al, alab'om xaq altom.

1 Reyes 11:3

Je jo'lajujwinaq jumo' (700) ixoqib' chi lik xu'an rixoqil chke, xaq je jo'lajujwinaq (300) ixoqib' chi je qas ti mer rixoqil. Xa kumal ixoqib' le, ire xjech'ab' unojb'al.

1 Reyes 4:8

Kib'i i kab'lajuj aj-atzil le, are iri: Ma Ben-hur are taqanel chwi taq jyub' chke utzob'ajil ma Efraín;

SEGUNDO LIBRO DE CR%D3NICAS 11:21

Ma Roboam xk'uli ku' wajxaqlajuj ixoqib' xaq je o oxwinaq (60) qas ti mer je rixoqil, xwiri are mer k'ax kuna chkixol konojel ixoqib' le are ati Maaca. Xuk'uwalij wajxaqib' juwinaq (28) uk'ojol xaq oxwinaq (60) umi'al ronojel.

Ester 2:14

I altom le are kuriq i ij chi ch'iktalik, jujunal ke'e chwach i ajawinel kqaj i ij, are ksaqir chukab' ij ke'e che jun chik upam i nim laj ja ke ixoqib' chi o chuqul ma Saasgaz, chi elsam ukowil, xaq are ire keuchajij i qas ti mer je rixoqil i ajawinel; chrijil chik ile, i altom le keupon ti chik chwach i ajawinel, xwi i jun chi lik qus xril i ajawinel, are ile kutaq chik uk'amik.

MALAQUÍAS 2:15

¿Xatab'a xa jun ti Dios anawnaq i ch'akulaj xaq i uxlab'? ¿I wach kraj i Dios ru' ile? Are kraj chi je umuq uxikin lik kejach ni pu'ab' Ire. ¡Chichajij uri iwib' yix che iwuxlab', xaq msach pik'ux i sujunik chi i'anom che iwixoqil are ix alab'om te'eq!

Mateo 2:6

Yet tinimit Belén, at ukwenta i jyub' Judá, mach'ob'o moq nti a'ij chkixol i nimaq taq tinimit re ulew le; lik o ni a'ij, man chkixol awak'al kalax ni jun nim laj ajk'amb'eyal; are ire kok'aw ni utzam chke inwinaq, aj Israel.

JOSUÉ 24:30

Xkimuq chila pa rulew chi Timnat-sera ub'i, chi o chila chwi jyub' re ma Efraín, chila pa moxab' che i jyub' Gaas.

JOSUÉ 24:33

Xaq xkam ma Eleazar, chi uk'ojol ma Aarón, xaq xkimuq chila chwi jyub' pa rulew uk'ojol chi a Finees, chi xya' che chila pa taq jyub' pkulew utzob'ajil ma Efraín.

Jueces 12:8

Chrijil chik ma Jefté, xkanaj kan ma Ibzán pa kaj-atzil aj Israel, ire le aj Belén,

Jueces 17:1

O jun achi ma Micaía ub'i, jeqel chwi taq jyub' ke utzob'ajil ma Efraín.

Jueces 17:6

Che taq i ij le nti jun ajawinel pkiwi aj Israel, rumali chi konojel i winaq kki'ano pacha kkaj ike.

Jueces 17:7

Chila pa tinimit Belén o jun ala aj naj chi ukwenta utzob'ajil ma Judá; ire le aj Leví te'eq.

Jueces 17:8

I ala le xel chila Belén, x-e chik kutzukuj jun k'ijib'al ipa kjeqi wi. Are kb'in tzam taq jyub' chi ke utzob'ajil ma Efraín, xupon chi rachoch ma Micaía.

Jueces 18:1

Che taq i ij le nti jun ajawinel pa Israel. I utzob'ajil ma Dan xaq k'amaja o kulew rumali k'a ketijin chutzukuxik jun k'ijib'al ipa kek'iji wi.

Jueces 18:13

Are xe'el chila xe'e che i jyub' re ma Efraín, are uri xeupon chi rachoch ma Micaía.

Jueces 19:16

Xwiri are cha'ab' chik, xik'aw jun mam chi k'unik re puchak pa taq es. I mam le jeqel te'eq chwa taq jyub' re utzob'ajil ma Efraín, xwiri jeqel chila Gabaa pacha jun aj naj man konojel ni'pa je jeqel chila Gabaa lik je utzob'ajil ma Benjamín.

Jueces 19:2

Xwiri ixoq le xpe roywal che achi, rumali x-e jeqel ru' uqajaw chila Belén. Are xik'aw kajib' ik' u'olem chila,

Jueces 21:25

Che taq i ij le nti jun ajawinel ku'at tzij pkiwi aj Israel, rumali chi konojel i winaq kki'ano pacha kkaj ike.

Jueces 3:27

Are xupon chila pkulew aj Israel, xuxut'ij i trompeta puwi i jyub' re ma Efraín sik'b'al ke konojel i winaq. Are uri xeqaj li konojel aj Israel chi je o chwi taq jyub', nab'e ma Aod chkiwach.